"Bakıda su münaqişəsi "İcra Hakimiyyəti müdaxilə etdi

Bölmə: Sosial, BLOK XƏBƏR

17 may 2014 19:51 Baxış: 569 Şərh: 0 Çap

Binəqədi sakinləri: "Dediklərinə əməl etməsələr, daha böyük etiraz aksiyası keçirəcəyik"

Binəqədi rayonunda keçirilən etiraz aksiyasında nümayişçiləri sakitləşdirmək üçün əraziyə aidiyyatı qurumların nümayəndələri gəlib.

“XALQİNFO” anspress-ə istinadən xəbər verir ki, etirazçılarla görüşdə İlqar Süleymanov, Binəqədi rayon su idarəsinin sədri Əhliman Mansurov və “Azərsu” ASC-nin nümayəndəsi Səid Hüseynov iştirak edib. Qurum nümayəndələri sakinlərə bu gündən problemin həll olunacağını deyib. Onların sözlərinə görə, “Döngə 3” küçəsinə səhərə qədər fasiləsiz su veriləcək. Lakin sabahdan sonra su adi qaydada veriləcək. Əgər suyun verilişində yenidən problem yaranarsa, o zaman ərazidəki su nasoslar dəyişdirilərək daha böyükləri quraşdırılacaq.

Sakinlər isə ANS PRESS- bildiriblər ki, əgər aidiyyatı qurumların nümayəndələri dediklərinə əməl etməsələr, etiraz aksiyalarını davam etdirəcəyik.

Qeyd edək ki, bu gün səhər saatlarında Binəqədi rayonunyn "Döngə 3" küçəsinin sakinləri etiraz aksiyası keçirib. Aksiyaya səbəb sakinlərə içməli suyun verilməməsidir.

"Döngə 3" küçəsinin sakinləri sözlərinə görə, 2 aydan çoxdur ki, içməli su verilmir.

Şərh Yaz