Etiraz edən müəllimlər həbs olundu

Bölmə: Xəbər

30 aprel 2014 00:20 Baxış: 693 Şərh: 0 Çap

Naxçıvanın Sədərək rayonunda bir neçə müəllimi həbs ediblər

“Xalqinfo” xəbər verir ki, bu haqda Qaynar.info-ya yerli mənbələr xəbər verib.

Məlumata görə Sədərək rayonundakı məktəblərin birinə başqa rayondan olan yeni direktor təyin olunub.

Direktoru kollektivə Muxtar Respublikanın təhsil naziri təqdim edib. Amma bu zaman bir gənc müəllim ayağa qalxaraq buna etiraz edib. Bu isə söz davasına çevrilib. Hadisənin aprelin ortalarında baş verdiyi bildirilir. Bundan sonra gənc müəllim saxlanılıb və barəsində 15 sutka azadlıqdan mərhumetmə qərarı çıxarılıb. Mənbə bildirir ki, bir neçə gün öncə buna etiraz edən daha 5 müəllim saxlanılıb. Onların da hər birinə 15 sutka həbs cəzası kəsilib.

Sədərəkdəki mənbələr qeyd edirlər ki, bu müəllimlərlə bağlı Naxçıvan Təhsil Nazirliyinin kollegiyasında müzakirələr aparılır. Onların işdən azad edildiyi haqda da iddialar səsləndirilir. Məsələ ilə bağlı açıqlama aldığımız mənbə faktı "Axar.az"a təsdiqlədi. Mötəbər mənbə bildirdi ki, hadisə həqiqətən də 2 həftə əvvəl baş verib. Təhsil naziri direktoru təqdim edib, lakin müəllimlər etirazını bildirib.

Etiraz etdiklərinə görə 2 nəfər müəllim 15 sutka müddətində həbs edilib, 5 nəfər isə işdən uzaqlaşdırılıb. Etiraza səbəb olan direktor isə həmin məktəbdə fəaliyyətini davam etdirir.

Şərh Yaz