Parisdə “İvon Bottonun arzuladığı həyat” kitabının təqdimatı olub

Bölmə: Mədəniyyət, KİTAB ALƏMİ

23 noyabr 2016 14:58 Baxış: 233 Şərh: 0 Çap

Parisdə UNESCO-nun baş qərargahında Azərbaycan Respublikasının bu təşkilatda Daimi Nümayəndəliyinin və Avropa Azərbaycan Cəmiyyətinin (TEAS) birgə təşkilatçılığı ilə Şain Sinarianın müəllifi olduğu “La vie rêvée d’Yvonne Botto” (“İvon Bottonun arzuladığı həyat”) kitabının təqdimat mərasimi keçirilib.

Xalqİnfo.az bildirir ki, “Qafqazinfo”ya daxil olan məlumata görə, TEAS Press Nəşriyyat evi tərəfindən dərc edilmiş kitabın təqdimatına yüzə yaxın qonaq iştirak edib. Qonaqlar arasında Parisdə akkreditə olunmuş xarici diplomatlar, jurnalistlər, təqdiqatçılar, tələbələr və Azərbaycan diasporasının fəalları olub.

Azərbaycan Respublikasının UNESCO-da Daimi Nümayəndəliyinin rəhbəri, səfir Anar Kərimov tədbiri giriş sözü ilə açaraq deyib: “Azərbaycan - bəşər sivilizasiyasının beşiklərindən biri, müxtəliv millət və dinlərin birgə dinc yaşayışının nümunəsidir. Mənim ölkəm tolerantlıq, dinc şəkildə birgə yaşayan və bir-birinə qarşılıqlı hörmətlə yanaşan, müxtəlif dinlərə məxsus insanlar arasında etimad sinonimidir. Məhz bu ruhda multikulturalizm prinsiplərini rəhbər tutaraq biz bu gün UNESCO-nun Baş Qərargahında bu tədbiri təşkil etmişik. Bu qlobal təşkilat sülh və dialoq, qarşılıqlı anlaşma və tolerantlığı təşviq etmək üçün fəaliyyətin önündə gedir.”

Tədbir Xalq Artisti Ənvər Sadıqov və Əməkdar Artist, caz ustası Emil Əfrasiyabın ifasında konsert proqramı ilə davam edib.

Əlaqə üçün E-mail: Xalqinfo@mail.ru

BAKI. Şəfa Rasimqızı Xalqİnfo.az

Şərh Yaz