Bakıda yaz bayramı - Mertsişor qeyd edilibBölmə: Mədəniyyət
 Azərbaycan Dillər Universitetində (ADU) Rumıniya və Moldovada qeyd olunan Bahar Günü - Mertsişor bayramı münasibətilə tədbir keçirilib. Xalqinfo.az "Report" -a saytına istinadən verdiyi məlumata görə, tədbirdə çıxış edən ADU-nun rektoru vəzifəsini icra edən Əfqan Abdullayev bu bayramın Azərbaycanda ilk dəfə bu universitetdə qeyd olunduğunu vurğulayaraq, tədbiri əlamətdar adlandırıb. O, Rumıniya və Moldova arasında sıx əlaqələrin olduğunu qeyd edib, bu ölkələrə uğurlar arzulayıb və bu ölkələrin səfirlikləri ilə birgə gələcəkdə universitetdə keçiriləcək tədbirlər barədə danışıb. Rumıniyanın Azərbaycandakı səfiri Dan Yanku bu bayram haqqında danışaraq, onu Novruz bayramı ilə müqayisə edib. Onun sözlərinə görə, Mertsişor bayramı xalqların növbəti illə bağlı ümidlərini əks etdirir. Moldovanın Azərbaycandakı səfiri George Leuke isə bu bayramın YUNESKO-nun qeyri-maddi mədəni irs siyahısına daxil edildiyini bildirib. O, Mertsişor ilə Novruz bayramını müqayisə edərək deyib ki, Moldovada 5 minədək azərbaycanlı yaşayır və onlar artıq bu bayrama hazırlaşmağa başlayıblar. Qeyd edək ki, Mertsişor Rumıniya və Moldovada yazın qarşılanmasını əks etdirən ənənəvi bayramdır. Bayram martın 1-də qeyd olunur. Leyla Həsənova |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
|
