"Qanuni oğru"ya telefon gətirən vəkillə bağlı YENİ XƏBƏR

Bölmə: Xəbər

05 noyabr 2014 14:46 Baxış: 407 Şərh: 0 Çap

"Qanuni oğru"ya telefon gətirən vəkillə bağlı

Bakı Apelyasiya Məhkəməsində həbsdə olan kriminal avtoritetə telefon keçirməkdə təqsirli bilinən vəkil Kamandar Nəsibovun apelyasiya şikayəti üzrə məhkəmə keçirilib.Xalqinfo.az lent.az-a istinadən bildirir ki, hakim Vüqar Məmmədovun sədrliyi ilə keçirilən prosesdə Kamandar Nəsibovun şikayəti üzrə dinləmə olub. İlkin baxış zamanı şikayət baxış iclasından çıxarılıb və bəzi məsələlərə aydınlıq gətirilməsi üçün iş yenidən Qaradağ rayon Məhkəməsinə göndərilib.

Qeyd edək ki, Ədliyyə Nazirliyi Penitensiar Xidmət əməkdaşları tərəfindən 8 saylı cəzaçəkmə müəssisəsində cəza çəkən məhkum Salifov Nadir Nəriman oğlu ilə (Lotu Quli) görüşə gəlmiş vəkili Kamandar Nəsibovun üzərinə baxış keçirilib. Baxış zamanı onun əynindəki şalvarının içəri hissəsində gizlədilmiş, daxilində “Azercell” danışıq kartı olan 1 ədəd “Huawei” markalı modem aparatı aşkar edilərək götürülüb.

Nadir Səlifov Cinayət Məcəlləsinin 182.3.1; 182.3.2; 29.149.2.1;29.149.2.4; 29.149.2.5; 317-2.1 və 67 maddələri ilə təqsirli bilinərək azadlıqdan məhrum edilib. Kamandar Nəsibovun barəsində Cinayət Məcəlləsinin 29, 317-1.1-ci (cəzaçəkmə müəssisələrində və ya istintaq təcridxanalarında saxlanılan şəxslərə qadağan olunmuş əşyaların yoxlamadan gizlətməklə və ya hər hansı digər üsulla verilməsi və ya ötürülməsinə cəhd) maddəsi ilə ittiham edilib.
Qaradağ rayon Məhkəməsinin hökmü ilə Kamandar Nəsibova cərimə cəzası kəsilib. Hökmdən narazı qalan Kamandar Nəsibov apelyasiya şikayəti verib. O, barəsində bəraət hökmünün çıxarılmasını istəyib.

Şərh Yaz