İslam Oyunlarına xristianlar da gələcək

Bölmə: Xəbər, Idman

21 aprel 2017 13:17 Baxış: 159 Şərh: 0 Çap

Bakı 2017 İslam Həmrəyliyi Oyunları 12-22 may tarixlərində Bakıda keçiriləcək. Bu oyun İslam dünyasını birləşdirən maraqlı, multi-idman tədbiridir.

Müsəlman ölkələrindən gələn idmançılar yarışın 10 günü ərzində öz ölkələrini 20 müxtəlif idman növü üzrə 23 kateqoriyada (Atletika və Para Atletika, Su idmanı növləri - Suya tullanma, Su idmanı növləri- Üzgüçülük, Su idmanı növləri - Vaterpolo, 3x3 Basketbol, Futbol, İdman gimnastikası, Bədii gimnastika, Uşu, Stolüstü Tennis, Həndbol, Cüdo və görmə qabiliyyəti olmayanlar üçün Cüdo, Yunan-Roma güləşi, Sərbəst güləş, Atıcılıq, Tennis, Voleybol, Boks, Zorxana, Karate, Taekvondo, Ağır atletika) Bakıda yerləşən 16 müasir yarış meydanlarında təmsil edəcəklər.

Bakıda baş tutacaq İslam Oyunlarına xristian ölkələrindən təşrif buyuran qonaqların gəlməsi də maraq doğurur.

İslam Oyunları Komitəsindən Modern.az-ın sorğusuna cavab olaraq bildirilib ki, xristian ölkələrindən Bakıda keçirilən oyunları izləmək üçün əcnəbi qonaqlar gələcək.

“İslam Oyunları ilə əlaqədar olaraq xristian ölkələrindən gələnlər olacaq. Konkret olaraq kimlərin qonaq qismində gəlməsinin statistikası oyunların sonunda bilinəcək. Bakı 2017 İslam Oyunlarının açılış və bağlanış mərasimlərində də xüsusi qonaqlar olacaq. Sadəcə, İslam Oyunları komitəsi olaraq bizdə dəqiq adlar yoxdur. Amma yüksək səviyyəli qonaqlarımız olacaq”

Komitədən bildirilib ki, hansısa xristianın gəlməsinə qadağa yoxdur.

“Bakı İslam Oyunlarında iştirak etmək üçün hansısa xristian vətəndaşının gəlməsində hər hansı qadağa yoxdur. Kim istəsə yarışlara qatılıb izləyə bilər. Azərbaycan tolerant ölkədir. Dövlətlər arasında hansısa ayrıseçkilik etmir. Ona görə də xristian. yaxud başqa dinin nümayəndəsinin yarışlara qatılıb izləməsində problem yoxdur”

Məlumat üçün bildirək ki, Azərbaycanın paytaxtı Bakı şəhəri 2013-cü ilin iyulunda Ciddədə İslam Həmrəyliyi İdman Federasiyasının (ISSF) Baş Assambleyasında Oyunların ev sahibliyinə layiq görülüb.

Xatırladaq ki, İslam Həmrəyliyi Oyunlarının Təşkilat Komitəsi Azərbaycan Respublikasının Prezidenti cənab İlham Əliyevin Fərmanı ilə yaradılıb. Fərmana əsasən, Azərbaycanın Birinci Vitse Prezidenti Mehriban xanım Əliyeva dördüncü İslam Həmrəyliyi Oyunları Təşkilat Komitəsinin Sədri təyin edilib.

Azərbaycan İslam Həmrəyliyi Oyunları Əməliyyat Komitəsi (AİHOƏK) İHİF ilə birgə Oyunları təşkil və tətbiq edəcək.

Şərh Yaz