Əqli mülkiyyət hüquqları mövzusunda seminar keçirilib ABŞ Ticarət Departamenti Kommersiya Haqqında Qanun İnkişaf Proqramı (CLDP), ABŞ səfirliyinin təşkilatçılığı, Müəllif Hüquqları Agentliyi (MHA) və Standartlaşdırma, Metrologiya və Patent üzrə Dövlət Komitəsinin əməkdaşlığı ilə “Kiçik və Orta Həcmli Müəssisələr üçün Əqli Mülkiyyət Hüquqları” mövzusunda seminar keçirilib. MHA-dan APA-ya verilən məlumata görə, MHA sədri K. İmanov Azərbaycanda əqli mülkiyyət hüquqlarının qorunması sistemi, kreativ iqtisadiyyat haqqında geniş və hərtərəfli təqdimat edib, onun tərəfindən çoxsaylı suallar cavablandırılıb. Seminarda Standartlaşdırma, Metrologiya və Patent üzrə Dövlət Komitəsinin nümayəndəsi Günel Sevdimalıyeva sənaye mülkiyyəti ilə bağlı, CLDP-nin nümayəndəsi Arezo Yazd, SIL-in nümayəndəsi Darius Graham, Winston & Strawn-ın nümayəndəsi (ABŞ) Pejman Sharifi, Lex Global-ın (Aİ) nümayəndəsi Aynur Bağırzadə müxtəlif mövzularda təqdimatlar ediblər. Təqdimatlarda əqli mülkiyyət sahəsində qabaqcıl təcrübələr təhlil edilib, müəlliflik hüquqlarının və folklorun, ticarət nişanları və patentlərin qorunma rejimi və istifadəsi ilə bağlı yaranan münasibətlərin tənzimlənməsi məsələləri işıqlandırılıb. |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
|
