» » Sumqayıtda əmək yarmarkası keçirilib:

Sumqayıtda əmək yarmarkası keçirilib: 620 iş yeri

Bölmə: Sosial
Sumqayıtda əmək yarmarkası keçirilib:Əmək və Əhalinin Sosial Müdafiəsi Nazirliyi Sumqayıtda keçirilən əmək yarmarkasında 620 boş iş yeri təqdim edilib.Xalqinfo.az bildirir ki, ƏƏSMN-nin İctimaiyyətlə əlaqələr şöbəsindən lent.az-a verilən məlumatına görə, noyabrın 21-də nazirlik tərəfindən işsiz və işaxtaran vətəndaşlar üçün Sumqayıt şəhərində (Sumqayıt Dövlət Universitetinin foyesi) Əmək yarmarkası keçirilib.
Əmək yarmarkasında 37 müəssisə ("Azərkimya" İB, "Azersun Holding" MMC, “Gilan Tekstil Parkı”, Sumqayıt Texnologiyalar Parkı” MMC, “BASF” şirkəti, REDUCO Tədris Mərkəzi, "Samuray Plastik" firması və s.) tərəfindən fəhlə və qulluqçu peşələri üzrə 620 boş (vakant) iş yeri işsiz və işaxtaran vətəndaşlara təklif olunub.
Təqdim olunan boş iş yerlərində əmək haqqının ən aşağı həddi 200 manat, ən yüksək həddi isə 1200 manat təşkil edib. Aktiv məşğulluq tədbirində boş iş yeri təqdim edən müəssisələrin nümayəndələri də iştirak edib. Yarmarkada işsiz və işaxataran vətəndaşlara boş iş yerlərinə göndəriş verilməklə yanaşı, müasir əmək bazarının tələblərinə uyğun peşələr üzrə peşə hazırlığına və ya ödənişli ictimai işlərdə çalışmaq istəyənlərin qeydiyyatı da aparılıb.
Tədbirdə ƏƏSMN və BMT İnkişaf Proqramının birgə icra etdiyi “Azərbaycanda İnnovasiyanın və Məşğulluğun İnkişafı” layihəsi üzrə Sumqayıt şəhərində fəaliyyət göstərən SYSLAB Təlim Tədris Mərkəzi də təmsil olunub və Mərkəzdə innovativ metodlarla işaxtarma bacarıqlarına yiyələnmək istəyən şəxslər qeydiyyata götürülüb.

Şərh Yaz

Ad:*
Şərh:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler