Kəlbəcərin yeni görüntüləri yayılıb – FotolarBölmə: Sosial
 Azərbaycanın işğal altında olan Kəlbəcər rayonunun yeni görüntüləri yayılıb. Xalqinfo.az AzVision.az-a istinadən xəbər verir ki, ermənilər tərəfindən aprelin 17-də çəkilən fotolar sosial şəbəkələrdə paylaşılıb. Şəkillərdən göründüyü kimi, ermənilər azərbaycanlılara məxsus evləri yerlə-yeksan edib, yerində yeni binalar tikiblər. Xatırladaq ki, Kəlbəcər 24 ildir işğal altındadır. 1993-cü il aprelin 2-də Ermənistan tərəfindən işğal olunan Kəlbəcər rayonunun ərazisi 1936 kvadrat kilometr, əhalisinin sayı isə 70 minə yaxındır. Kəlbəcər sakinləri hazırda Azərbaycanın 59 rayonunda məskunlaşıb. Kəlbəcərin işğalı nəticəsində 511 nəfər həlak olub, 321 nəfər itkin düşüb və girov götürülüb, rayona 761 milyon ABŞ dolları məbləğində ziyan dəyib. Ermənistan hərbi birləşmələrinin 1993-cü il martın 27-də başlanan genişmiqyaslı hücumu Kəlbəcər rayonunun işğalı ilə başa çatıb. Kəlbəcər Azərbaycanın işğal olunmuş rayonları arasında ərazicə ən böyüyüdür. İşğal nəticəsində rayon mərkəzi, 150-yə yaxın kənd, həmçinin onlarla tarixi-mədəniyyət abidəsi, bir muzey, “İstisu” sanatoriyası və s. Ermənistan silahlı qüvvələri tərəfindən xarabazara çevrilib.      
|
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
|
