İran prezidenti gələn həftə Azərbaycana gələcəkBölmə: Siyasət
İran prezidenti Həsən Ruhani gələn həftə Azərbaycana səfər edəcək.Xalqinfo.az apa-ya istinadən xəbər verir ki, bu barədə İranın Rabitə və İnformasiya Texnologiyaları naziri Mahmud Vaizi bildirib. Onun sözlərinə görə, Ruhaninin Azərbaycana səfəri çərçivəsində 10 sənədin imzalanması gözlənilir. İran-Azərbaycan hökumətlərarası müştərək əməkdaşlıq komissiyasının həmsədri olan Vaizi qeyd edib ki, prezidentlərin görüşü zamanı Azərbaycandan elektrik enerjisinin nəqli və alınması, sərhəd çaylarının suyundan istifadə, gömrük əlaqələrinin nizamlanması, nəqliyyat, enerji və turizm məsələləri müzakirə olunacaq. M.Vaizi əlavə edib ki, hazırda iki dövlət arasında ticarət əlaqələri 100 milyon ABŞ dolları həcmindədir, lakin bu rəqəmi artırmaq olar. Nazir onu da vurğulayıb ki, Azərbaycan prezidenti İlham Əliyevin bu il aprelin 9-da Tehrana səfərindən sonra ikitərəli münasibətlər xeyli inkişaf edib. |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|