Deputatlar Ukraynada Qarabağdan danışdıBölmə: Siyasət
Ermənistan-Azərbaycan, Dağlıq Qarabağ münaqişəsi regionda sülhün və sabitliyin təmin olunmasına maneə törədir. Beynəlxalq təşkilatlar, o cümlədən Avropa İttifaqı münaqişənin ədalətli, beynəlxalq hüquq çərçivəsində həllində daha fəal olmalıdır. "Xalqinfo" AzərTac-a istinadən xəbər verir ki, bu fikri Ukraynanın paytaxtı Kiyev şəhərində Avronest Parlament Assambleyasının siyasi məsələlər, insan hüquqları və demokratiya üzrə komitəsinin iclasında çıxışı zamanı Azərbaycan nümayəndə heyətinin rəhbəri Fuad Muradov deyib. F.Muradov bildirib ki, beynəlxalq birlik Ermənistanın işğalçılıq siyasətinə qarşı təzyiqi artırmalıdır. Münaqişənin sülh yolu ilə həllində irəliləyiş olan kimi Ermənistan hakimiyyəti təxribatlara əl atır. Bu isə münaqişənin sülh yolu ilə həllinə mənfi təsir edir. Deputat Rövşən Rzayev çıxışında Dağlıq Qarabağ münaqişəsinin yalnız Azərbaycanın ərazi bütövlüyü əsasında həllini tapa biləcəyini vurğulayıb. Qeyd edib ki, Dağlıq Qarabağ Azərbaycanın tarixi torpağıdır və dünya birliyi beynəlxalq hüquq çərçivəsində münaqişənin həllinə nail olmalıdır. Azərbaycan nümayəndə heyətinin üzvü Fərəc Quliyev çıxış edərək Avronest PA-nı Azərbaycanın işğal olunmuş ərazilərindən Ermənistan silahlı qüvvələrinin çıxarılması üçün Ermənistana təzyiqləri artırmağa çağırıb. |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|