Tramp respublikaçılara ultimatum verdi ABŞ prezidenti Donald Tramp respublikaçılardan cümə günü (fevralın 24-də) Konqresdə səhiyyə islahatına səs verməyi tələb edib. Xalqinfo.az xəbər verir ki, bu haqda “New York Times” qəzeti yazıb. Nəşrin məlumatlarına görə, prezident səhiyyə islahatını dəstəkləməyərək inad edən respublikaçılara ultimatum verib. Materialda göstərilir ki, Konqresin Nümayəndələr Palatasının spikeri, yeni səhiyyə islahatının əsas ideoloqu Pol Rayan Trampın cümə günü səsvermənin keçirilməsini istədiyini bildirib. Əvvəlcə səsvermənin fevralın 23-də keçiriləcəyi gözlənilirdi. Ancaq səsvermə sonradan cümə gününə keçirilib. Respublikaçıların Konqresin hər iki palatasında malik olduğu əksəriyyət onlara “Obamacare” adlanan (keçmiş prezident Barak Obamanın adı ilə adlanır –red.) səhiyyə islahatını ləğv etməyə imkan verir. Ancaq respublikaçıların özləri arasında fikir ayrılıqları qalır. Demokratların hamısı isə qanun layihəsinin əleyhinə səs verməyi planlaşdırırlar. Müxtəlif qiymətləndirilmələrə görə, 20-dən çox respublikaçı yeni səhiyyə islahatına qarşı çıxır. Leyla Həsənova |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
|
