Tehran Vaşinqtonu beynəlxalq məhkəməyə verəcək

Bölmə: Siyasət, Dünya, BLOK XƏBƏR

12 iyun 2016 19:05 Baxış: 156 Şərh: 0 Çap

Bir neçə gündən sonra İran BMT-nin Beynəlxalq Məhkəməsində ABŞ-a qarşı iddia irəli sürəcək.

Xalqinfo.az AZƏRTAC-a istinadən xəbər verir ki,İranın xarici işlər naziri Məhəmməd Cavad Zərif deyib ki, bütün dünya ABŞ-ın qanunları necə pozduğunun şahidi olacaq.

Məsələnin mahiyyəti ondan ibarətdir ki, İran ilə Qərb ölkələri arasında nüvə proqramına dair razılaşma əldə edildikdən sonra bu ölkəyə qarşı tətbiq edilmiş iqtisadi sanksiyalar ləğv edilib. İran ABŞ banklarında qalan 2,5 milyard dollar pulunu geri istəyib. Lakin aprelin 20-də ABŞ-ın Ali Məhkəməsi qərar qəbul edib. Qərara əsasən İranın vaxtilə dondurulmuş 2,5 milyard dolları kompensasiya şəklində 1983-cü ildə Beyrutda həlak olmuş Amerika hərbçilərinin ailələrinə verilməlidir.

Xatırladaq ki, 1983-cü ildə ABŞ-ın Livandakı hərbi bazasına edilən silahlı hücum nəticəsində Amerika hərbçiləri qətlə yetirilmişdi. Rəsmi Vaşinqton bu hücumun İran tərəfindən təşkil olunduğunu iddia edirdi. İran isə bu iddiaları rədd edərək sübut istəyirdi. Lakin ABŞ tutarlı sübut təqdim edə bilməyib.

Kainat Şirin

Xalqinfo.az

Şərh Yaz