Beynəlxalq Türk Mədəniyyəti və İrsi Fondu Qırğızıstanla əməkdaşlığı genişləndirəcəkBölmə: Mədəniyyət
Beynəlxalq Türk Mədəniyyəti və İrsi Fondunun prezidenti Günay Əfəndiyeva Bişkekdə Qırğızıstanın təhsil naziri Qulmira Kudayberdiyeva ilə görüşüb. Fonddan Xalqinfo.az-a verilən məlumata görə, görüşdə G.Əfəndiyeva Fondun türkdilli xalqların tarixi-mədənin irsinin qorunması və təşviqinə dair fəaliyyətindən söz açıb, Fondun üzv ölkəsi olan Qırğızıstan ilə əlaqələrin gücləndirilməsinin vacibliyini qeyd edib. Q.Kudayberdiyeva Fondun fəaliyyətini bütövlükdə Türk dünyasının birliyi naminə töhfə kimi dəyərləndirib, gələcək layihələrinə dəstəyini bildirib. Görüş zamanı əməkdaşlıq perspektivlərinə dair fikir mübadiləsi aparılıb, Qırğızıstandakı universitetlər ilə əməkdaşlığın genişləndirilməsi, eləcə də orada təhsil alan Türk dünyası ilə bağlı araşdırmalar aparmış tələbələrə təqaüdlərin ayrılması məsələləri müzakirə edilib. Məlumatda həmçinin bildirilir ki, G.Əfəndiyeva Qırğızıstanın mədəniyyət, informasiya və turizm naziri Tuqelbay Kazakovla da görüşüb. G.Əfəndiyeva Fondun məqsədləri və həyata keçirdiyi tədbirləri barədə nazirə məlumat verib. T.Kazakov Fondun Türk dünyasına xas tarixi-mədəni irsin mühafizəsi və təbliğ edilməsinə dair fəaliyyət perspektivlərini yüksək qiymətləndirib. Görüşdə əməkdaşlıq çərçivəsində gələcəkdə mədəni sahədə müxtəlif mövzularla bağlı birgə layihələrin həyata keçirilməsinə dair razılıq əldə edilib. |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|