Reanimasiyada olan Xalq artistinin həkimindən açıqlamaBölmə: Mədəniyyət
 Xəbər verdiyimiz kimi, Xalq artisti Böyükxanım Əliyeva hazırda 1 saylı Şəhər Kliniki Xəstəxanasının reanimasiya şöbəsində müalicə alır. Xalqinfo.az xəbər verir ki, xəstənin son vəziyyəti barəsində həkim-reanimatoloq Təranə Rüstəmova müsahibə verib. “Vəziyyətində nisbi stabilləşmə yaranıb, təkrar qanaxma müşahidə olunmayıb. O, dünən səhər saatlarında xəstəxanaya ağır vəziyyətdə çatdırılıb. Onikibarmaq bağırsağında yara var. Əgər yarada yenidən kəskin qanaxma müşahidə olunarsa, ona cərrahi müdaxilə olunacaq. Hazırda isə buna ehtiyac yoxdur. Amma hemoqlobinin miqdarı çox aşağıdır. Müalicəsi davam etdirilir”, -deyə həkim bildirib. Böyükxanım Əliyevanın kürəkəni, Dövlət Kukla Teatrının baş rejissoru, Əməkdar artist Qurban Məsimov qayınanasının səhhəti ilə bağlı Oxu.Az-a bunları açıqlayıb: “Hazırda reanimasiya şöbəsindədir. Bir neçə dəfə qan vurulsa da, mənfi rezuslu üçüncü qrup qana hələ də ehtiyac var”. Q.Məsimov “Xalq artistimizin barəsində bu xəbəri eşidən sadə insanlar, pərəstişkarlar arasında xəstəxanaya müraciət edərək, ona donorluq etmək istəyənlər varmı?” sualına belə cavab verib: “Bəli, müraciət edənlər olub. Xəstəxanada da qan var idi, vurulub, ehtiyac olduqca donorlar yardım edirlər, sağ olsunlar”. Leyla Həsənova |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
|
