» » “Ağıllı” üzük kredit kartlarını əvəz edəcək -

“Ağıllı” üzük kredit kartlarını əvəz edəcək - Fotolar

Bölmə: MARAQLI
“Ağıllı” üzük kredit kartlarını əvəz edəcək -
Bu vaxta qədər bir neçə “ağıllı” üzük təqdim edilməsinə baxmayaraq, bu mobil qurğular vasitəsilə alış-veriş üçün ödənişlər etmək və ya avtomobili işə salmaq qeyri-mümkün olub.

Xalqinfo” xarici KİV-ə istinadən xəbər verir ki, bu dəfə isə “Tokenize Inc.” şirkəti bunu özündə “NFC” və “Bluetooth” funksiyalarını birləşdirməklə kredit kartlarını, qıfıl açarlarını və ya digər qurğuların parollarını əvəz etməyə imkan verən yeni “ağıllı” “Token” üzüyü vasitəsilə dəyişməyə hazırlaşır.

“Tokenize Inc.” üzüyü kredit kartları funksiyası ilə təmin etmək üçün “MasterCard” və “Visa” ilə tərəfdaşlıq haqqında saziş imzalayıb. Bundan başqa, dünyanın 50-dən çox nəqliyyat şirkəti “Token” üzüyünün köməyi ilə biletlər üçün ödənişləri dəstəkləyəcək.

“Token Door Lock” qıfıl proqramı sayəsində üzükdən evin açarı kimi istifadə mümkün olacaq, lakin qıfıl qurğu dəstinə daxil deyil. Şirkətin məlumatına görə, gələcəkdə üzüklə işləyən komponentlər siyahısı genişləndiriləcək.

“Token” üzüyünün maraqlı xüsusiyyətlərindən biri onun avtomobil açarı kimi işləməsidir. Lakin bunun üçün nəqliyyat vasitəsinin interfeysinin yenilənməsi tələb olunur.

İnsan həyatının əksər vacib aspektlərindən istifadəni təmin edən qurğu etibarlı təhlükəsiz sistemə ehtiyac duyur. Bu məqsədlə üzüyün içəri hissəsində onu taxmazdan əvvəl istifadə ediləcək barmaq izi ötürücüsü quraşdırılıb. Üzük çıxarılan zaman sistem bloka düşür və yalnız barmaq izinin təkrar yoxlanışından sonra işi davam etdirməyə imkan verir.

Sukeçirməz korpusa malik qurğunun quraşdırılmış akkumulyatoru enerji ilə tam doldurulmaqla 14 gün istifadə üçün hesablanıb.

“Ağıllı” “Token” üzüyü üçün ilkin sifarişlər 249 dollara qəbul edilir. İlkin tədarüklərə cari ilin sonunda başlamaq nəzərdə tutulur.

“Ağıllı” üzük kredit kartlarını əvəz edəcək -
“Ağıllı” üzük kredit kartlarını əvəz edəcək -
“Ağıllı” üzük kredit kartlarını əvəz edəcək -
“Ağıllı” üzük kredit kartlarını əvəz edəcək -

Şərh Yaz

Ad:*
Şərh:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler