Boğazından əməliyyat olan xəstə ölübBölmə: Kriminal
Ucar rayonunda üzərində cərrahiyyə əməliyyatı olan şəxs Bakıda dünyasını dəyişib. Xalqinfo.az APA-ya istinadən məlumatına görə, Alpout kənd sakini, 35 yaşlı Bəxtiyar Mahir oğlu Abbasov boğaz nahiyəsində yaranmış problemlə bağlı Mərkəzi Rayon Xəstəxanasına müraciət edib. Müayinədən sonra həkimlər xəstəyə əməliyyatın vacib olduğunu bildiriblər. Yaxınlarının sözlərinə görə, B.Abbasov qorxduğunu əsas gətirərək evə qayıdıb. Ertəsi gün həkim ona zəng edərək, əməliyyat üçün xəstəxanaya getməsini istəyib. Boğazından əməliyyat olunan B.Abbasov komaya düşüb. Xəstə təcili olaraq paytaxtın Mərkəzi Neftçilər Xəstəxanasına göndərilib. 14 gün komada qalan iki uşaq atası ötən gün xəstəxanada ölüb. Ucar Mərkəzi Rayon Xəstəxanasının baş həkimi Zeynal Bayramlı bildirib ki, Bəxtiyar Abbasov xəstəxanada əməliyyatdan sonra komaya düşməsinin üç səbəbi ola bilər: “Birinci, əməliyyat edən həkimin səhlənkarlığı, ikinci, anestezioloqun səhvi, üçüncü isə xəstədə gizli gedən hər hansı xəstəliyin olmasıdır”. Baş həkim ölümün dəqiq səbəbinin analizlərin cavabından sonra məlum olacağını qeyd edib. Faktla bağlı araşdırma aparılır. Leyla Həsənova |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|