Hökumətin qızıl payı Mərkəzi Banka verildiBölmə: İqtisadiyyat
 Gədəbəy qızıl-filiz yatağında hasil edilən əmtəəlik qızıl İsveçrənin Cenevrə şəhərində saflaşdırıldıqdan sonra Azərbaycan Respublikası Hökumətinin mənfəət payı olan – 12865,2 troy unsiya (400,2 kiloqram) təşkil edən növbəti partiya qızıl külçələri Mərkəzi Banka yerləşdirilib. Xalqinfo.az xəbər verir ki, Maliyyə Nazirliyinin məlumatına görə, qızıl Nazirliyin Qiymətli Metallara və Qiymətli Daşlara Nəzarət Dövlət Xidməti tərəfindən qəbul edilərək Azərbaycan Mərkəzi Bankında yerləşdirilib. Qeyd edək ki, bundan əvvəl həmin yataqdan hasil edilmiş Azərbaycan Hökumətinin mənfəət payı olan 60813,8 troy unsiya (1891,7 kiloqram) miqdarında 999,9 əyarlı qızıl külçələr də saxlanc üçün Mərkəzi Banka verilib. Ümumilikdə, Mərkəzi Bankda saxlancda olan Azərbaycan Respublikası Hökumətinə məxsus qızılın miqdarı hazırda 73679,0 troy unsiyaya vəya 2291,9 kiloqrama çatdırılıb. Bu isə o deməkdir ki, hökumət bazar dəyəri 91,7 milyon ABŞ dolları olan qızıl ehtiyatına malikdir. |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
|
