Ruslan Quliyev: Hədəfimiz müalicə məqsədilə Azərbaycana gələn turistlərin sayını 25-30 faiz artırmaqdırBölmə: İqtisadiyyat
 Azərbaycan Sağlamlıq və Termal Turizminə Dəstək Assosiasiyası təsis edildiyi vaxtdan etibarən artıq üç ildir ki, tibb sahəsində regionun ən iri ixtisaslaşdırılmış tədbiri olan 22-ci Azərbaycan Beynəlxalq Səhiyyə Sərgisində iştirak edir. Biz ildən-ilə artan Assosiasiya üzvlərini geniş şəkildə təqdim etmək niyyətindəyik. Bu gün biz Azərbaycanın ondan artıq kurort və sanatoriyasını birləşdiririk. Onlardan bir çoxu – Naftalan, Duzdağ postsovet məkanında kifayət qədər yaxşı tanınır. Bəziləri isə əvvəlki baza əsasında Qəbələ, Qax, Siyəzən və digər rayonlarda yenidən qurulub. xalqinfo.az AZƏRTAC-a istinadən xəbər verir ki, bu fikirləri Azərbaycan Sağlamlıq və Termal Turizminə Dəstək Assosiasiyasının prezidenti Ruslan Quliyev deyib. R.Quliyev bildirib ki, sərgidə iştirak etməkdə məqsədimiz Azərbaycanda müalicə və sağlamlıq istirahətinin həm yerli, həm də xarici iştirakçılar arasında təşviqidir. Biz dünyanın müxtəlif ölkələrini təmsil edən ixtisaslaşmış təşkilatlarla fəal əməkdaşlıq edirik. Sevindirici haldır ki, biz bu sərgi çərçivəsində Belarus və Türkiyəni təmsil edən tərəfdaşlarla görüşlər keçirmişik. Bu gün qarşımıza hədəf qoymuşuq ki, müalicə məqsədilə Azərbaycana gələn turistlərin sayını 25-30 faiz artıraq. Bunun üçün bizim bütün imkanlarımız var. Həmçinin mövsümdən asılı olmayaraq, müalicə turizminə il boyu böyük tələbat var. |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
|
