Pakistan ilk Avropa Oyunlarının Bakıda keçirilməsini yüksək qiymətləndirirBölmə: İqtisadiyyat
İqtisadiyyat və sənaye naziri Şahin Mustafayev Asiya İnkişaf Bankının Rəhbərlər Şurasının 48-ci İllik Toplantısında iştirak etmək məqsədilə Bakıda səfərdə olan Pakistan İslam Respublikasının maliyyə, gəlir, iqtisadi məsələlər, statistika və özəlləşdirmə naziri Mohammad İshaq Darla görüşüb. Xalqinfo.az xəbər verir ki, Şahin Mustafayev bu ilin martında Pakistan Prezidentinin Azərbaycana səfərinin, keçirilən görüşlərin və Azərbaycan-Pakistan biznes forumunun ölkələrimiz arasında əlaqələrin genişləndirilməsinə töhfə verdiyini vurğulayıb. Bildirilib ki, ölkələrimiz beynəlxalq təşkilatlarda bir-birini dəstəkləyir, müxtəlif sahələrdə, o cümlədən humanitar sahədə uğurlu əməkdaşlıq edir. Görüşdə Azərbaycan iqtisadiyyatı barədə məlumat verilib, ölkəmizdə iqtisadi və maliyyə sabitliyinin təmin olunduğu, qeyri-neft sektorunun prioritetliyi, iqtisadiyyatın müxtəlif sahələrində Pakistanla əməkdaşlıq imkanları diqqətə çatdırılıb. Mohammad İshaq Darı dost və qardaş ölkə olan Azərbaycanın sosial-iqtisadi inkişafının Pakistanda maraqla izlənildiyini, ölkəsinin Ermənistan-Azərbaycan, Dağlıq Qarabağ münaqişəsində Azərbaycanın ədalətli mövqeyini dəstəklədiyini vurğulayıb. O, bu il I Avropa Oyunlarının, 2017-ci ildə isə İslam Həmrəylik Oyunlarının Bakıda keçirilməsini yüksək qiymətləndirib, iqtisadi sahədə əlaqələrin genişləndirilməsi perspektivlərinə dair fikirlərini bölüşüb. Mənbə ANS PRESS |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|