"Turan"da oynamış futbolçudan “Baş məşqçi "Neftçi"yə uduzmağımızı tələb etdi”Bölmə: Idman
 “Turan” klubunun sabiq futbolçusu Valeri Onile Moldova mətbuatına şok yaradacaq müsahibə verib.lent.az-ın məlumatına görə, o, 2009-cu il dekabrın 5-də “Neftçi” ilə keçirdikləri çempionat oyununda bilərəkdən uduzduqlarını etiraf edib. Onile baş məşqçi Nizami Sadıqovun fasilədə futbolçulardan məğlub olmağı istədiyini bildirib: “Turan”da oynadığım vaxt satılmış oyunun iştirakçısı oldum. Həmin vaxt “Neftçi”nin sabiq çalışdırıcısı (Nizami Sadıqov – red.) bizdə baş məşqçi idi. Çempionluğa oynayan “Neftçi” Tovuzda qonağımız idi. Düzdür, qabaqcadan bizə heç kim demədi ki, oyunu verməliyik. Amma start heyət bizi şübhələndirdi. İlk “11-lik”də daha çox ehtiyatda qalanlar və əvəzedicilərin oyunçuları yer almışdı. Buna rəğmən, ilk hissədən sonra 2:0 hesabı ilə öndə idik. Soyunub-geyinmə otağında baş məşqçimiz dedi ki, ona kömək edək. Yəni futbolçulardan “Neftçi”yə uduzmağı xahiş etdi. Nəticədə həmin oyunu 2:3 hesabı ilə uduzduq. Azarkeşlər bizə təzyiq göstərsələr də, matçı məğlub kimi bitirdik. Təcrübəli futbolçular məşqçi ilə mübahisə edərək, meydana çıxmaqdan imtina etdilər. Onlar bu şouda iştirak etmək istəmədilər”.
|
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
|
