"Nə vaxtsa qol buraxmalı idik" - Asif MəmmədovBölmə: Idman
Bu gün Azərbaycan Premyer Liqasında II dövrəyə start verilib. Premyer Liqanın VIII turu çərçivəsində baş tutan "İnter” – "Qəbələ” (1-1) oyunundan sonra "Qəbələ”nin yarımmüdafiəçisi Asif Məmmədov “Qafqazinfo”nun da suallarını cavablandırıb: - Çətin oyun keçdi. Hesabda geri düşsək də, bərabərləşdirə bildik. Biz Qəbələdə gözəl stadionda oynayırıq, bunu hamınız bilirsiz. Meydanın vəziyyəti çox pis idi. Bunun ucbatından 2 əsas futbolçumuz zədələndi. - Dmitri Bezotosnının “quru seriya”sı qırıldı... - Nə vaxtsa qol buraxmalı idik. Bu günə qismət oldu. - “İnter”lə ilk dövrədə də bacarmamışdınız... - İlk dövrədə penalti epizodunu da qaşırmışdıq. Bu gün də pis oynamadıq. Səfərdə 1 xal pis deyil. İlk hissədə başabaş mübarizə apardıq. Qarşılaşmanın ədalətli nəticə deyərdim ki, heç-heçə idi. - Bu gün meydanın mərkəzində oynadın. Çıxışından razı qaldın? - Oyunun sonlarında belə oynadım. Baş məşqçimiz tapşırmışdı. Buna qıraqdan baxanlar qiymət verə bilər. - “İnter”in kapitanı Nizami Hacıyev bildirdi ki, “Qəbələ”nin bizdən heç bir üstünlüyü yox idi. - Bu, Nizaminin şəxsi fikirləridi. Bizim də, onların da qol imkanları oldu. Bir daha vurğulayıram ki, oyunun ədalətli nəticəsi heç-heçə idi. - “Sent-Etyenn”lə oyundan əvvəl heyətdə 2 ciddi itki baş verdi. - Belə meydanlar olmasa, daha yaxşı olardı. Bu, futbol üçün çox təhlükəlidir. Mən “İnter” 8 il oynamışam və hər iki aydan bir zədələnirdim. Şükürlər olsun ki, “Qəbələ”də belə hallarla üzləşmirəm. Çünki təbii ot örtüyündə məşq edirik. - “Sent-Etyenn”lə oyun barədə nə düşünürsüz? - Sabahdan rəqibi araşdıracağıq. - Son zamanlar çox parlaq çıxış edirsən. Robert Prosineçkidən təklif gözləyirdin? - Əlbəttə ki, gözləyirdim. Hər bir futbolçu kimi bunu həmişə gözləmişəm və gözləyəcəm də. - Dəvət gəlməyəndə məyus oldun? - Bəli, məyus oldum. Əlaqə üçün E-mail: Xalqinfo@mail.ru Şəfa Rasimqızı Xalqİnfo.az |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|