Azərbaycan millisinin baş məşqçisi Taylandla oyunda şansları dəyərləndiribBölmə: Idman
"Tayland yığması qrup mərhələsində 6, biz isə 4 xal topladıq. Bilirik ki, 1/8 final mərhələsində bizi çətin oyun gözləyir. Şanslar bərabərdir". Xalqİnfo.az xəbər verir ki, "Report"un məlumatına görə, bunu futzal üzrə Azərbaycan millisinin baş məşqçisi Milton Luis Ziller Junior Kolumbiyada keçirilən dünya çempionatının 1/8 finalında Tayland yığması ilə keçirəcəkləri görüşdən öncə mətbuat konfransında deyib. Miltinyo bildirib ki, rəqiblərinin Rusiya yığması ilə keçirdiyi və 4:6 hesabı ilə uduzduğu görüşü izləyib: "Azərbaycan yığmasının heyətində xüsusi qeyd edə biləcəyim iki futzalçı var. Biri 7 nömrədir. O, arxa xətdə çıxış edir. Digəri isə 9 nömrəli oyunçudur. Bu futzalçının həm sol, həm də sağ ayağı işləkdir. Komanda şəklində çox hərəkət edirlər. Qarşıda hələ 2 gün vaxtımız var. Videoyazılara baxıb, daha yaxşı analiz edəcəyik. Çalışacağıq ki, faydalana biləcəyimiz cəhətləri tapaq. Eyni zamanda, güclü tərəflərini öyrənək ki, ondan istifadə edə bilməsinlər, buna imkan verməyək. Məşqlərdə çatışmazlıqlarımız üzərində də işləyəcəyik". Qeyd edək ki, Azərbaycan və Tayland yığmaları Bakı vaxtı ilə sentyabrın 23-də saat 02:30-da qarşılaşacaqlar. Qələbə qazanan komanda Portuqaliya - Kosta Rika görüşünün qalibi ilə 1/4 finalda üz-üzə gələcək. |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|