"Lapşinin saxlanma şəraitindən şikayəti yoxdur" - Rusiya səfirliyiBölmə: GÜNDƏM
 Rusiyanın Azərbaycandakı səfirliyinin əməkdaşları Bakıda təcridxanada saxlanılan bloqqer Aleksandr Lapşinin hüquqlarının tam şəkildə müdafiə edildiyindən əmin olub. Bunu Rusiya səfirliyinin mətbuat katibi Denis Apaşkin deyib. Məlumata görə, A.Lapşinin saxlanma şəraiti ilə bağlı şikayəti yoxdur. Səfirlik nümayəndəsi bildirib ki, konsulluq rəsmiləri Azərbaycan hökumətindən müvafiq icazə alındıqdan sonra A.Lapşini ziyarət edəcək. Xatırladaq ki, Azərbaycan Baş Prokurorluğunun Ağır cinayətlərə dair işlər üzrə istintaq idarəsində istintaqı aparılan cinayət işi üzrə ayrı-ayrı dövlətlərin vətəndaşlığını daşıyan A.Lapşin Azərbaycanın dövlət sərhədini qanunsuz olaraq keçmə, ərazi bütövlüyünü parçalamağa yönələn açıq çağırışlar etmə əməllərinə görə təqsirləndirilən şəxs qismində cəlb edilib beynəlxalq və dövlətlərarası axtarışa verilməsi ilə əlaqədar 2016-cı il dekabrın 15-də Belarusın hüquq-mühafizə orqanları tərəfindən Minskdə saxlanılaraq, 2017-ci il fevralın 7-də Azərbaycana ekstradisiya olunub. Xalqinfo.az |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
|
