Kralı əsəbiləşdirən reklam kampaniyası dayandırıldıBölmə: Dünya
 Beynəlxalq “fast food” restoran zənciri “Burger King” Belçika kralı Filippin fotoşəklindən istifadə olunan reklam kampaniyasını dayandırıb. Xalqinfo.az haberturk-ə istinadən xəbər verir ki, qərar kral ailəsi ilə “Burger King” rəhbərliyi arasında keçirilən görüşdən sonra verilib. Qeyd edək ki, “fast food” restoran zənciri gələn ay Belçikada açacağı ilk filialının reklam kampaniyasında “Kral kimdir?” mənasına gələn “Whoistheking.be” adlı sayt yaratmışdı. Sayta daxil olan zaman Belçika kralı Filippin taxta çıxma tarixi və firmanın filialını açacağı günün tarixi qeyd olunurdu. Solda üzərində kralın şəkli olan krallığın gerbi, sağda isə “Burger King” loqosu olan səhifə açılırdı. İstifadəçilər “Burger King”i seçərsə, sayta problemsiz daxil ola bilirdilər. Ancaq kral seçildiyində “Əminsiniz? Kartof dilimlərinizi o hazırlamayacaq” cümləsi çıxırdı. “Bəli”, - deyib bu mərhələni də keçənlər əmin olub-olmadıqlarına dair bir sualla da qarşılaşırdılar. Son səhifədə isə, sadəcə, “xeyr” ifadəsi çıxırdı. Reklamda xüsusilə “İki kral. Tək Krallıq. Kim taxta oturacaq? İndi səs verin” ifadəsinin kralı əsəbiləşdirdiyi irəli sürülürdü. Müzakirələrdən sonra “Whoistheking.be” saytından kralın rəsmi yığışdırılıb. “Belçikada iki krala yer yoxdur” ifadəsi əlavə edilib. Leyla Həsənova |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
|
