“Rusiya və Türkiyə kompromisdən çox uzaqdır”Bölmə: Dünya
Bu gün Xarici Siyasət və İqtisadiyyat Mərkəzinin rəhbəri, keçmiş türkiyəli diplomat Sinan Ulgen Suriyanın İdlib şəhərində kimyəvi qazın iştirakı ilə baş tutan hücumu şərh edib. Xalqinfo.az xəbər verir ki, İtaliyanın “La Repubblica” qəzetinə verdiyi açıqlamasında Əsəd rejiminin müttəfiqi olan Rusiya və rəsmi Ankara arasında ciddi fikir ayrılıqlarının olduğunu deyib. “Rusiya və Türkiyənin Suriyanın gələcəyi barədə əldə etdikləri razılıqlar çox deyil. Moskvanın “Demokratik İttifaq” (PYD) təşkiilatından olan kürdləri dəstəkləməsi Ankaranı qıcıqlandıran əsas problemdir. Asatana da baş tutan danışıqlar da bir nəticə verməyib. Halbuki türklər Əsədin hakimiyyətdə qalmasına çoxdan qəbullanıblar. Bundan başqa, Rusiya Kürd İşçi Partiyasını (PKK) terrorçu təşkilatlar siyahısına salmayıb”. Ulgenin fikrincə, Astanada əldə olunmuş razılaşma İdlibdə də hökumət qüvvələrinin hava hücumu keçirməsini əngəlləməli idi. “İdlib Türkiyə sərhəddinə yaxın yerləşir. İŞİD yox, “Ən Nüsrə Cəbhə”sinin nəzarət etdiyi şəhərə kimyəvi hücum ciddi geosiyasi nəticələr doğuracaq. Ankara və Moskva arasında münasibətlər daha da çətinə düşəcək”. Ekspertin fikrincə, Türkiyə PKK və Suriya kürdləri ilə bağlı həll yolunu tapmayana qədər bölgədəki gərginlik qalmaqda davam edəcək. |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|