İran buna görə Həcc ziyarətinə zəvvar göndərmiyəcək

Bölmə: Dünya, Din, BLOK XƏBƏR

29 may 2016 17:08 Baxış: 244 Şərh: 0 Çap

İran bu il Məkkəyə Həcc ziyarətinə zəvvarlar göndərməyəcək.

Xalqinfo.az Oxu.Az-ın APA-ya istinadən verdiyi məlumata əsasən bildirir ki, İran hakimiyyəti Səudiyyə Ərəbistanını Həcc ziyarətinə mane olmaqda günahlandırır.

İranın mədəniyyət naziri Əli Cənnəti bildirib ki, Səudiyyə Ərəbistanının yaratdığı maneələr səbəbindən danışıqların iki raundu uğurla nəticələnməyib:

“Təəssüf ki, iranlı zəvvarlar Həcc ziyarətinə gedə bilməyəcəklər”.

Bundan əvvəl rəsmi Ər-Riyadın iranlı zəvvarlarla bağlı xüsusi olaraq təhlükəsizliyin yüksək səviyyədə təmin edilməsi ilə əlaqədar rəsmi Tehranın təklifini qəbul etmədiyi açıqlanıb.

Rəsmi Tehran ötən Həcc ziyarəti zamanı Mina vadisində izdiham zamanı 464 iranlı zəvvarın həyatını itirdiyini əsas gətirərək belə bir tələblə çıxış edib.

Kainat Şirin

Xalqinfo.az

Şərh Yaz