Kasıb adamın salamını almamaq dində necə qarşılanır?Bölmə: Din
 Dinimizə görə salam vermək sünnə, almaq isə vacibdir və bu zaman varlı-kasıb deyə fərq qoymaq olmaz. Xalqinfo.az xəbərinə görə, Salamı almayan günah qazanır. Uca Allah salamı geri qaytarmağı əmr edərək buyurur: "Biri sizinlə salamlaşdığı zaman siz onun salamını daha böyük ehtiramla alın və ya (verilən salamı olduğu kimi) qaytarın! Həqiqətən, Allah hər şeyin haqq-hesabını çəkəndir". (ən-Nisə, 86). Milli.Az zikr.az-a istinadən bildirir ki, həmçinin, Peyğəmbər (salləllahu aleyhi və səlləm) buyurmuşdur: "Müsəlmanın müsəlman üzərində altı haqqı var. Orada olanlar dedilər: "Ey Allahın elçisi, onlar hansılardır?" O buyurdu: "Onunla qarşılaşdıqda salam ver. Səni dəvət etdikdə qəbul et. Səndən nəsihət istədikdə nəsihət ver. Asqırıb "Əlhəmdulilləh" (həmd olsun Allaha) deyəndə sən də ona "Yərhəmukəllah" (Allah sənə rəhm etsin) de. Xəstələndikdə ziyarət et. Vəfat etdikdə cənazəsini müşayiət et". (Muslim, 2162). Əgər salamı almayan şəxs bunu təkəbbür səbəbilə edirsə, daha böyük günah qazanır. Peyğəmbər (salləllahu aleyhi və səlləm) demişdir: "Qəlbində zərrə qədər təkəbbür olan Cənnətə girməz". (Muslim). Peyğəmbərdən (Allahın ona və ailəsinə salavatı və salamı olsun) "Təkəbbürlük nədir, ey Allahın Elçisi?"soruşduqda, o (salləllahu aleyhi və səlləm) belə dedi: "Haqqı danmaq və insanlara xor baxmaqdır". (əl-Buxari: "Ədəbul-Mufrad". 548). Leyla Həsənova |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
|
