Baş Prokurorluq Leyla Yunus barədə məlumat yaydıBölmə: BLOK XƏBƏR
 Leyla Yunusova və əri Arif Yunusov növbəti dəfə Baş Prokurorluğun Ağır Cinayətlərə Dair İşlər üzrə İstintaq İdarəsinin icraatında olan konkret cinayət işi üzrə şahid qismində dindirilmələri üçün iyulun 7-də istintaqa dəvət olunsalar da üzrlü səbəblər olmadan istintaqa gəlməkdən qəsdən boyun qaçırıblar. ans press-in məlumatına görə, L.Yunusova istintaq qarşısında şərtlər qoymasına dair Trend-in sorğusunu cavablandıran Baş Prokurorluğun mətbuat xidmətinin rəhbəri Eldar Sultanov bir daha bildirib ki, L.Yunusovanın istintaq qarşısında hər hansı şərt qoyması qəbuledilməzdir və Cinayət-Prosessual Məcəllənin 95-ci maddəsinə əsasən şahidin cinayət prosesini həyata keçirən orqanın çağırışı ilə istintaqa gəlmək və dindirmələrdə ona məlum olan bütün hallar üzrə suallara tam və düzgün cavab vermək kimi vəzifələrinin olmasına baxmayaraq o, növbəti dəfə bəzi kütləvi informasiya vasitələri və sosial şəbəkələrdə ifadə verməyəcəyini nümayişkaranə şəkildə bildirməklə qanunvericiliklə müəyyənləşdirilmiş vəzifələri yerinə yetirməkdən qəsdən yayınıb. "L.Yunusova İstintaqa gəlməyəcəyi təqdirdə barəsində hansı qərarlar qəbul edilə bilər?" sualını cavablandıran E.Sultanov deyib ki, L.Yunusova Azərbaycan Respublikasının vətəndaşıdır və digər vətəndaşlar kimi o da öz növbəsində qanunların tələblərinə riayət etməklə onlara hörmətlə yanaşmalıdır: "Əks təqdirdə barəsində cinayət-prosessual qanunvericiliyinin tələblərinə uyğun olaraq müvafiq tədbirlər görüləcək". |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
|
