Keçmiş İcra başcısının oğluna xəbərdarlıq edildi- RəsmiBölmə: BLOK XƏBƏR
Azərbaycanın Latviyadakı konsulluğunun birinci katibi, Nicat Sadıqovun öz şəxsi avtomobilinə diplomatik nümayəndəliyə məxsus dövlət nömrə nişanını bağlayaraq diplomat adına yaraşmayan hərəkətlərə yol verilməsi ilə bağlı xəbərlər yayılıb. ANS TV-nin məlumatına görə, mətbuatda Nicat Sadıqovun Azərbaycana çağırıldığı və onunla həm Xarici İşlər, həm də Milli Təhlükəsizlik nazirliklərində “profilaktik söhbət” aparıldığı deyilir. Nicat Sadıqov Ağdam Rayon İcra Hakimiyyətinin keçmiş başçısı Nizami Sadıqovun oğludur və mətbuat da bu faktı xüsusi vurğulayır. Məlumatı aydınlaşdırmaq üçün Azərbaycanın Latviyadakı konsulluğunun birinci katibi Nicat Sadıqovla əlaqə saxadıq. O, bu xəbərlərin yalan olduğunu, qəsdən yayıldığını dedi. Diplomatın sözlərinə görə, Vyana Konvensiyasına əsasən diplomatların qırmızı nömrə nişanlı avtomobil idarə etməyə ixtiyari var. Xarici İşlər Nazirliyi mətbuat xidmətinin rəhbəri Elman Abdullayev də öz növbəsində diplomatlara qarşı yayılan belə xəbərlərin əsassız olduğunu vurğuladı. Amma nazirliyin sözçüsü onu da dedi ki, Azərbaycanın xaricdə fəaliyyət göstərən istənilən məmurunun hərəkətləri nəzarət altındadır və ona görə də, Nicat Sadıqovun sosial şəbəkələrdə öz istirahəti və qatıldığı məclislərlə bağlı şəkil paylaşması nizam-intizamın pozulması kimi qiymətləndirilib və ona xəbərdarlıq edilib. Eyni zamanda Xarici İşlər Nazirliyi mətbuata məlumatların kim tərəfindən ötürüldüyünü də araşdırır. |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|