“Moskva Azərbaycanla normallaşma təşəbbüslərinə əsəbi reaksiya verir”- Ermənistan parlamentinin spikeriBölmə: Xəbər
Moskva digər ölkələrin Ermənistan-Azərbaycan münasibətlərini normallaşdırmaq təşəbbüslərinə həddən artıq emosional və əsəbi reaksiya verir. “Sputnik Armenia” xəbər verir ki, bunu jurnalistlərə açıqlamasında Bakı ilə münasibətlərin tənzimlənməsində Moskvanın rolunu şərh edərkən Ermənistan parlamentinin spikeri Alen Simonyan deyib. “Moskvanın rolu var. Olmaya da bilməz, çünki orada rus sülhməramlıları yerləşdirilib. Amma buna baxmayaraq, hər hansı tərəf müsbət bir şey etməyə çalışanda Moskvadan gələn emosional hərəkətləri, əsəbi reaksiyaları lazımsız hesab edirəm. Bu lazım olduğundan daha emosionaldır”, – Alen Simonyan bildirib. Simonyan əlavə edib ki, Rusiya tərəfinin reaksiyası daha sakit və təmkinli olmalıdır. Onun sözlərinə görə, Moskva vəziyyəti başa düşməlidir. “Ermənistanın öz maraqları və təhlükəsizliyi var və o, “geosiyasi vəziyyətə, kiminsə istəklərinə və ya qısqanclığına baxmayaraq” bunu təmin etməlidir”, – Simonyan deyib. |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|