Rusiya və ABŞ-dan xəbərdarlıq: Gürcüstana getməyin!Bölmə: Xəbər
Gürcüstan paytaxtı Tbilisidə iki gündür davam edən etiraz aksiyaları və qarşıdurmalar xarici dövlətləri narahat edib. Xalqinfo.az xəbər verir ki, artıq Rusiya və ABŞ öz vətəndaşlarına müraciət edərək Gürcüstana mümkün qədər az səfər etməyi və mitinqlərin keçirildiyi yerlərdən uzaq olmağı məsləhət görüb. Rusiya Federasiyasının Prezidenti Vladimir Putin Təhlükəsizlik Şurasının bugünkü iclasında Gürcüstanda baş verən prosesləri müzakirə edib. İclas iştirakçıları Gürcüstan paytaxtında baş verənləri antiRusiya qüvvələrin təxribatı adlandırıb və bundan narahatlıqlarını ifadə ediblər. İclasda Rusiya Xarici İşlər Nazirliyinə tapşırıq verilib ki, Gürcüstana getmək istəyən və hazırda Tbilisidə olan rusiyalı turistlər mövcud təhlükə barədə məlumatlandırılsın. ABŞ-ın Gürcüstandakı səfirliyi də Amerika vətəndaşlarına xəbərdarlıq edib. Səfirlik öz vətəndaşlarını iyunun 21-23-də keçirilən aksiyalardan uzaq durmağı, həmçinin imkan daxilində kənar, təhlükəsiz yerlərə getməyi məsləhət görüb. Səfirlik iyunun 20-də ictimai asayişin və sabitliyin ciddi şəkildə pozulmasından, polisin rezin güllələr, su şırnağı və gözyaşardıcı qaz tətbiq etməklə aksiyanı dağıtmasından ciddi narahat olduğunu bəyan edir. Bildirilir ki, aksiyalar davam edir. Bundan başqa, həftə sonu “LQBT-prayd həftəsi” çərçivəsində bəzi yerlərdə aksiyaların keçiriləcəyi gözlənilir. AntiAmerika qüvvələrin bizim vətəndaşlarımıza ciddi xəsarət yetirməsi ehtimalı böyükdür. Ona görə də səfirlik vətəndaşlardan mümkün qədər aksiya keçirilən yerlərdən uzaq olmağa çağırır. Böyük Britaniyanın Gürcüstandakı səfiri Djastin Makkenzi də Tbilisidə baş verənlər barədə öz “Tvitter” səhifəsində yazıb. Diplomat baş verənlərdən narahat olduğunu bildirib, tərəfləri sabitliyə dəvət edib. Səfir güc tətbiq olunması ilə bağlı bütün siyasi qüvvələrin məsuliyyət daşıdığını bildirib. |
XƏBƏR LENTİ
27.04.24 23:15 | İYİ Partiyasının yeni sədri məlum oldu
27.04.24 22:54 | Bu ölkə Ukraynaya daha 100 milyon yardım edəcək
27.04.24 21:53 | Ali Məhkəmənin hakimi intihar etdi
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|