"Bizim şou-biznesdə özünə ləkə yaxmağı da reklam hesab edirlər"

Bölmə: Şou

09 dekabr 2014 12:49 Baxış: 295 Şərh: 0 Çap

"Bizim şou-biznesdə özünə ləkə yaxmağı da reklam hesab edirlər"

Tarix Əliyev od püskürüb
Xalqinfo.az gecce.az-a istinadən xəbər verir ki, prodüser "şantaj olunuruq" deyən şou əhlinin bütün paxırlarını açıb-töküb. O deyir ki, əslində bütün bunlar qurmadır. Və heç şübhəsiz, bu addım süni reklamdan başqa bir şey deyil.

"İstər müğənni olsun, istərsə də aparıcı - heç biri şantaj qurbanı olmur. Olsa da, əmin olun ki, öz istəyi ilə olur. Gizli çəkiliş çox nadir hallarda baş verir. Poza verirlər, sonra deyirlər ki, xəbərimiz olmayıb. Çəkiliş zamanı o şəxs görüb müdaxilə edə bilər. Bizim şou-biznesdə özünə ləkə yaxmağı da reklam hesab edirlər. Düşünmürlər ki, bu addımla gözdən düşə bilərlər".

Bu yaxınlarda Rəqsanə İnstagram-dakı hesabında şəxsi şəkillərinin kimlərinsə əlinə keçdiyini demişdi. Tarix Əliyevin bu məsələyə özünəxas bir yanaşması olub.

"Rəqsanə yazdı ki, mənim belə bir şəklim var. Yayılsa, sizi məhkəməyə verəcəm. Lap “Qarğa, məndə qoz var” məsələsinə dönüb. Həmin şəkillər ortaya çıxmamış sən gedib şikayət edə bilərsən. Bu, yalnız medianın diqqətini çəkməkdir".

Tolik son zamanlar yalandan yayılan ölüm xəbərlərini də qınayıb.

Şərh Yaz