Bakıya əla avtobuslar gətirildi - FOTOBölmə: Sosial
I Avropa Oyunları ilə əlaqədar Bakıya yeni iritutumlu avtobuslar gətirilib“Yaxın günlərdə 300 avtobusun gətirilməsi nəzərdə tutulub” Bakıda 2015-ci ildə keçiriləcək I Avropa Oyunları ilə əlaqədar paytaxta Türkiyə istehsalı olan 50 ədəd yeni iritutumlu avtobus gətirilib. Xalqinfo.az bildirir ki, bunu apa-ya Nəqliyyat Nazirliyinin Dövlət Avtomobil Nəqliyyat İdarəsinin Bakı Regional Şöbəsinin rəis müavini Əmrah Cəfərov müsahibəsində deyib. Ə. Cəfərov bildirib ki, “İsuzu” markalı avtobuslar Avropa standartlarına uyğun hazırlanıb və 60 nəfərlik tutuma malikdir. “Bu nəqliyyat vasitələri hələlik şəhərin mərkəzində hərəkət edəcək. Onlara texniki baxış keçirildikdən sonra ictimaiyyətə təqdim olunacaq”, - deyə Ə. Cəfərov qeyd edib. Yaxın günlərdə ölkəyə əlavə avtobusların gətiriləcəyindən söz açan Ə. Cəfərov qeyd edib ki, bu mərhələdə 300 nəqliyyat vasitəsinin gətirilməsi gözlənilir. Nazirlik rəsmisi yeni avtobusların gətirilməsindən sonra paytaxtın mərkəzi hissəsində fəaliyyət göstərən istismar müddəti başa çatan nəqliyyat vasitələrinin xətdən kənarlaşdırılacağını deyib: “Digər istismara yararlı avtobuslar isə ətraf qəsəbələrdə istismar olunacaq. Belə ki, Bakı ətrafı qəsəbələrin əksəriyyətində yollar dar və təmirsiz olduğundan orada iritutumlu avtobuslarının hərəkəti mümkünsüzdür. Bu səbəbdən də həmin ərazilər yalnız ortatutumlu avtobuslarla təmin ediləcək”. “Bakı ətrafı qəsəbələrdən Sevil qəsəbəsi, Biləcəri qəsəbəsinin daxilində olan yollar və bir sıra digər qəsəbələrdə yollar həddindən artıq darısqal və yararsızdır. Bir sıra hallarda buna əhalinin ərazidə nizamsız olaraq ev tikməsi səbəb olub. Eyni zamanda yolların darısqallığı orada təmir bərpa işlərinin aparılmasına da maneələr yaradır. Bu da birmənalı olaraq marşrut avtobuslarının rahat hərəkət etməsində problemləri ortaya çıxarır. Bu problemlərin müsbət həlli istiqamətində Nəqliyyat Nazirliyində artıq müzakirələr aparılır”, - deyə Ə. Cəfərov izah edib. |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|