Səbinə Mirzəyevadan salyanlı uşaqlara məktəb sevinci - Fotolar

Bölmə: Sosial

15 sentyabr 2017 11:16 Baxış: 563 Şərh: 0 Çap

Səbinə Mirzəyevadan salyanlı uşaqlara məktəb sevinci -

Ali dərəcəli cərrah mama-ginekoloq Səbinə Mirzəyeva 15 sentyabr Bilik Günü münasibəti ilə Salyan rayonunda yaşayan aztəminatlı ailələri sevindirib.

"Xalqinfo" xəbər verir ki, S.Mirzəyeva doğulduğu Salyanda maddi vəziyyəti aşağı olan uşaqlara çantalar, məktəb ləvazimatları və forma üçün maddi yardım təqdim edib. Yeni tədris ili ərəfəsində sözügedən rayonda təxminən 20 -ə yaxın ailəni sevindirən ginekoloq onların digər problemi ilə də maraqlanıb və müəyyən köməklik göstərib.

İmkansızlıq ucbatından bir neçə ildir birinci sinfə gedə bilməyən uşaqlar bu il ilk dəfə məktəbə qədəm qoyacaqlar. Eyni tədris ilində bir çantadan növbə ilə istifadə edən ailənin 3 övladının da məktəb problemləri həll olunub. Valideynlərin sözlərinə görə, Səbinə Mirzəyevanın bu addımı onların eləcə də məktəb həsrəti ilə yaşayan, yaşıdlarından seçilməməyi arzu edən uşaqlar üçün əsl bayram olub:

“Qızımı dərsə yola sala bilmirdim. Çantası və yaşıdlarının istifadə etdiyi ləvazimatları yox idi. Məktəbə gedəndə də salafan torbadan istifadə etməli olurduq. Allah həkim Səbinə xanımı sevindirsin. Hər zaman biz, imkansız Salyan ailələrinin qayğısına qalır” - deyə rayon sakini bildirib.

Səbinə Mirzəyevadan salyanlı uşaqlara məktəb sevinci -