Sabiq deputat Aprel şəhidlərinə kitab həsr yazıb![]() Sabiq millət vəkili, tədqiqatçı alim, hüquq elmləri üzrə fəlsəfə doktoru Cahangir Hüseynovun “Şərq-Qərb” nəşriyyatında “Fikir və düşüncələrim” adlı avtobioqrafik kitabı çap olunub. Xalqinfo.az Axar.az-a istinadən xəbər verir ki, kitabda Ulu Öndər Heydər Əliyevin hakimiyyətə qayıdışı və müəllifin Dağlıq Qarabağ münaqişəsi ilə bağlı elmi məqalələri yer alıb. Bundan başqa, kitabda akademik Ramiz Mehdiyevin redaktəsi ilə “Nadir Şah – Diplomatik yazışmaları” və “Azərbaycan Nadir Əfşar dövləti” adlı elmi-tarixi kitabının Bakıda (2014) və Türkiyədə (2015) nəşr edilməsi münasibəti ilə mətbuatda çap olunmuş məqalələr, eləcə də Cahangir Hüseynovun bəşəriyyət və cəmiyyət haqda elmi-fəlsəfi fikirləri öz əksini tapıb. Qeyd edək ki, “Fikir və düşüncələrim” kitabı 2016-cı ildə Aprel döyüşləri zamanı həlak olan şəhidlərimizin xatirəsinə ithaf edilib. Xalqinfo.az |
|