“Soyuqqanlı millət deyilik, proseslərə emosional yanaşırıq”Bölmə: Siyasət
 “Namizədlərin seçki prosesində özünü sınamasına tam şərait yaradılır”. Xalqinfo.az xəbər verir ki, bunu Mərkəzi Seçki Komissiyası sədrinin müavini Rövzət Qasımov Milli Məclisə seçkilər zamanı deputatlığa namizədlərin qeydiyyatı prosesinə həsr olunan seminarda deyib. O bildirib ki, ötən seçkidə 1000-dən çox namizəd özünü sınamışdı: “Azərbaycanda passiv seçki hüququ olan vətəndaşlarımız hər zaman bu prosesdə geniş ambisiya yaradırlar. Bunu onlara verən dövlətdir. Onlar görür ki, dünyada söz sahibi olan ölkənin vətəndaşlarıdır. Bütün bunlar bizim insanımızı kifayət qədər ruhlandırır. Biz soyuqqanlı millət deyilik, proseslərə emosional yanaşırıq. Amma DSK-lar qanunun tələblərini əsas götürməlidir. DSK-lar aradan qaldırılması mümkün olan bütün xətaların aradan qaldırılması üçün qanunun ruhunu əsas götürməklə bütün namizədlərə şərait yaratmalıdır. Bu, o qədər də asan olmur. Çünki bu proses emosiyaların tüğyan etdiyi prosesdir”. |
|
|
