DataLife Engine > MARAQLI, SÖHBƏT > "Şah İsmayıl Xətainin bir tərəfi xristian, avropalı idi” —

"Şah İsmayıl Xətainin bir tərəfi xristian, avropalı idi” —


20-11-2018, 12:10. Yerləşdirdi: Tural "Şah İsmayıl Xətainin bir tərəfi xristian, avropalı idi” —





"Şah İsmayıl Xətai təmiz müsəlman deyildi, onun qanında xristian qanı axırdı. Şah İsmayıl Xətai əslən yunan olan IV İohannın qızı Dəspinə xatunun nəvəsi idi".

Bu fikirləri "Ölkə.Az"a açıqlamasında azərbaycançılıqla bağlı bir neçə kitabın müəllifi, filologiya elmləri doktoru, Bakı Dövlət Universitetinin professoru Nizaməddin Şəmsizadə bildirib.

Professor deyib ki, Şah İsmayıl Xətaini ermənilərlə bağlayanlar səhv edirlər:

"Bəzən kimlərsə mənə çamur yaxmaq üçün deyirlər ki, guya mən Xətaini ermənilərlə bağlayıram və sairə. Xeyr, bu əsla belə deyil. Şah İsmayılın ermənilərlə heç bir əlaqəsi yoxdur. Sadəcə olaraq, Xətainin bir tərəfi xristian, avropalı idi".



"Şah İsmayılda intiqamçılıq var idi. Misal üçün, Şah İsmayıl atasına öldürdüyünə görə Şirvanda bir gündə 40 ailənin başını kəsmişdi. Belə məqamlar da olub. Gərək biz hər məsələyə realist baxmalıyıq. Təkcə Şah İsmayılın yox, bir çox görkəmli şəxslərin səhvləri olub".

Professor qeyd edib ki, Şah İsmayıl Xətai İslamda təriqəti dövlət ideologiyasına çevirib:

"Şah İsmayıl Xətai hakimiyyəti dövründə bir sıra böyük səhvlərə yol verib. Bunlardan biri təriqəti dövlət ideologiyasına çevirmək və şiəliyi şişirtmək olub. Tarixdə Şah İsmayıl və Xomeyni dindən ideologiya üçün istifadə edib. Bu da səhv idi. Azərbaycan sonradan bunun böyük fəsadlarını yaşadı".
Geri qayıt