Sərkisyan azərbaycanlı oliqarxın restoranında- Azərbaycan musiqisi səslənib+VideoBölmə: MANŞET
 Xəbər verildiyi kimi ötən bazar günü Rusiyada erməni milyarder Samvel Karapetyan oğluna dəbdəbəli toy edib. Rusiya mağazin mediası yazır ki, azərbaycanlı oliqarx Telman İsmayılova məxsus “Safisa” restoranında keçirilən toy inquş neft maqnatı Mixail Qutseriyevin həmin restoranda keçirilən toyundan heç də geri qalmayıb. Xalqinfo.az bildirir ki Virtualaz.org xəbər verir ki, toyda Ermənistan prezidenti Serj Sərkisyanın da iştirak etdiyi məlum olub. “Tatler” online nəşrinin bildirdiyinə görə Sərkisyan videokameraların obyektivinə tuş gəlib, ancaq onun toyda iştirakı haqda erməni mənbələri xəbər vermir. Bununla belə Sərkisyanı toydan yayılan videokadrların 59-cu saniyəsində görmək olar. Toy mərasimini Andrey Malaxov və Vera Brejneva aparıblar. Musiqi tərtibatı isə Alla Puqaçova və Qriqori Lepsə tapşırılıb. Məşhur «Maroon 5» qrupunun solisti Alasm Levinin çıxışı isə toyda iştirak edənlər üçün sürprizə çevrilib. İşin maraqlı tərəfi ondadır ki, videodan göründüyü kimi, toyda Azərbaycan musiqisi də səslənib. Hətta dahi Üzeyir Hacıbəyovun "O olmasın, bu olsun" operettasının musiqisi də erməni rəqsi kimi qələmə verilib. Məsələnin digər maraqlı tərəfi budur ki, “Safisa” restoranına Azərbaycan Beynəlxalq Bankının Rusiyadakı törəmə bankı “MBA-Moskva”nın iddiası ilə həbs qoyulub. Çünki T.İsmayılovun həmin bank qarşısında on milyonlarla dollarlıq borc öhdəliyi var. Bankın iddiası əsasında “Safisa” restoranı və Moskvanın Nikitsk bulvarında otel inşası üçün nəzərdə tutulmuş ərazi “MBA-Moskva”nın aktivləri sırasında daxil edilib.  
|
XƏBƏR LENTİ
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
|
