İkimərtəbəli qatarlarımız (Fotolar)
13 may 2015 14:42
Baxış: 530
Şərh: 0
Çap
Azərbaycanın yeni aldığı ikimərtəbəli qatarların görüntüsünü yayılıb. “Azərbaycan iki mərtəbəli qatarları 15-20 illik kredit yolu ilə alıb. Bu qatarların alınması ilə bağlı müqavilənin qiyməti təxminən 60-70 milyon avro dəyərindədir”.
Xalqinfo.az-ın məlumatına görə, bunu Azərbaycan Dəmir Yolları QSC-nin sədri Cavid Qurbanov deyib.
Qeyd edək ki, bu qatarlar Bakı-Sumqayıt arasında fəaliyyət göstərəcək. Artıq 63 kilometrlik yolun 33 km-i tam təmir olunub.
O bildirib ki, dəmir yollarının parkının yenilənməsi üçün əlavə olaraq həm sərnişin, həm də yük qatarları alınacaq:
“Bildiyiniz kimi artıq 250-ə yaxın yük qatarı almışıq. Bu qatarlar üzərində Azərbaycan bayrağı, Azərbaycan dilində yazılar və qatarları digərlərindən fərqləndirən kodlar həkk edilib. Bakı-Tiflis-Qars dəmir yolları xətti bu ilin sonuna kimi istifadəyə veriləcək. Artıq bu dəmir yolu xəttində qatarlar işə düşəcək. Bununla bağlı "Stadler" şirkətilə danışıqlar aparırıq ki, 30 vaqon alaq. İlin sonuna kimi bu qatarlar Bakıya gətiriləcək”.
Mənbə ANS PRESS
|