Hollandiya klubunun futbolçusu: "Azərbaycan yığmasını seçə bilərəm"

Bölmə: Idman

12 iyun 2017 12:08 Baxış: 161 Şərh: 0 Çap

Mən Hollandiya türküyəm. Bu da Türkiyə pasportu ilə Azərbaycana getməyimə şərait yaradır.

Xalqinfo.az apasport.az-a istinadən xəbər verir ki, bunu "Feyenoord"un futbolçusu Orkun Kökcü deyib.

"Feyenoord" akademiyasının yetirməsi olan Ozancan Kökcü kimi, kiçik qardaşı Orkun da Azərbaycan millisini seçə bilər. Bunu Hollandiya mətbuatına müsahibəsində yarımmüdafiəçi özü söyləyib.

16 yaşlı oyunçu gələcəkdə hansı yığmanın formasını geyinəcəyinə hələ qərar vermədiyini bildirib: "Mənim 3 ölkənin yığmasını seçmək imkanım var: Hollandiya, Türkiyə və Azərbaycan. Yekun qərarımı müəyyənləşdirməyim üçün hələ çox tezdi. Bu üzdən hamının üzünə qapını açıq saxlayıram".

Orkun böyük qardaşı Ozancanın "Bursaspor"a transferini də dəyərləndirib. O, U-21 millimizin üzvünün doğru addım atdığını düşünür: "Qardaşım Ozancanın Türkiyənin yüksək liqa klubuna keçməsinə çox sevindim. Məncə, doğru seçim etdi. Hazırkı vəziyyətə görə, bu qərarında 100 faiz haqlı idi. Ancaq mən "Feyenoord"da qalmağı üstün tutdum. Çünki burda daha yaxşı inkişaf edəcəyimi düşünürəm. İnanıram ki, bu yay əsas komandanın toplanışına qatılacam. Belə olarsa, əsas komandada möhkəmlənmək üçün əlimdən gələni edəcəm".

Qeyd edək ki, Orkun Kökcünün U-17 yığmamıza çağırılması gündəmdədi.

Leyla Həsənova

Şərh Yaz