“Havanı söyübsə də, cəzalandıracağıq” - Samir AbbasovBölmə: Idman
“Sumqayıt”ın baş məşqçisi Samir Abasov futbolçusu Nicat Muxtarovun cəzalanmasından danışıb. “Xalqinfo” xəbər verir ki, o, sportal.az saytına açıqlamasında gənc oyunçunun söyüş söyməsini mənfi qarşıladığını bildirib. AFFA İntizam Komitəsi Muxtarovun bu hərəkətinə görə “Sumqayıt”ı 3200 manat məbləğində cərimələyib, Oyunçuya 4 oyunluq cəza verib. Samir Abasov bildirib ki, həmin məbləği futbolçu özü ödəyəcək: “Canı çıxacaq özü ödəyəcək. Həmin matçda hakim qarşılaşmanı çox yüksək səviyyədə idarə etdi. Bu, yol verilməzdir. Düzdür, son dəqiqələr idi, hamı gərgin idi, qapımıza penalti təyin edilmişdi. Amma bu o demək deyil ki, sən ağzına gələni danışmalısan. Buna gərək yox idi. Özü ödəyəcək həmin cəzanı. Bu da ona dərs olacaq. Bizim heyətdə təcrübəli futbolçular da var. Onlar məyus halda kənarda sakit dayanmışdılar. Nicat da özünü qat-qat təcrübəli futbolçular kim aparmalı idi. Bundan sonra Nicat Muxtarova bu, böyük dərs olar”. Nicat Muxtarov açıqlamasında hakimi deyil, havanı söydüyünü bildirmişdi. Bununla bağlı Samir Abasov bu fikirləri səsləndirib: “Havanı söymək də düzgün deyil. Hava şəraiti çox gözəl idi. Havanı söyübsə, buna görə də cəzalandıracağıq”. |
XƏBƏR LENTİ
27.04.24 21:53 | Ali Məhkəmənin hakimi intihar etdi
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|