Azərbaycanlı deputat Avropa Şurasına çağırış etdi

Bölmə: GÜNDƏM

10 mart 2017 16:18 Baxış: 155 Şərh: 0 Çap

Azərbaycanlı deputat Süleymanov Avropa Şurasında genişmiqyaslı yeni meyarlara çağırış edir

Məqalənin mətnini oxucularımıza təqdim edirik.

Azərbaycanda Vətəndaş Cəmiyyətinin İnkişafına Yardım Assosiasiyasının (AVCİYA) Prezidenti, azərbaycanlı deputat və AŞPA üzvü Elxan Süleymanov Avropa Şurası Parlament Assambleyasının (AŞPA) bütün üzvlərinə ünvanladığı açıq məktubda hazırda institute daxilindəki “qeyri-müəyyən vəziyyəti” nəzərə alaraq, genişmiqyaslıislahatlara çağırış edib.

Süleymanov bazar ertəsi Brüsseldə fəaliyyət göstərən beyin mərkəzi “Avropa Strateji Kəşfiyyat və Təhlükəsizlik Mərkəzi”nin dərc etdiyi və Avropa Şurası Parlament Assambleyasında (AŞPA) “Ermənistanın xeyrinə Azərbaycana qarşı amansız təbliğat kampaniyası aparmış” “Erməni Sövdələşməsi” şəbəkəsini aşkara çıxaran ətraflı hesabatdan sonra (http://www.esisc.org/publications/analyses/11791) məktub yazmağı zəruri hesab etdiyini bildirib.

“Məhz ölkəm və mən AŞPA-da bu hücumlara və gizli anti-Azərbaycan sövdələşməsinə məruz qalırdıq”, - Süleymanov bildirib və öz məktubunda “Faktlar və təxəyyülü bir-birinə qataraq və təəssüf ki, AŞPA-nın imicinə görünməmiş zərər vurmaqla, bütün beynəlxalq mətbuatda yaxşı hazırlanmış böhtanın necə yayıldığı”nı məktubda açıqlayıb.

O, xüsusilə Azərbaycandan iddia edilən rüşvəti qəbul etdiyinə görə barəsində istintaq aparılmış italiyalı siyasətçi Luka Volonteyə qarşı Milan məhkəməsinin heç bir ittiham irəli sürməmək haqqında verdiyi qərarı qeyd edib. “Bütün AŞPA üzvləri hüququn aliliyinə, o cümlədən Milan məhkəməsinin bütün korrupsiya ittihamlarına xitam vermək barədə aydın qərarına istisnasız olaraq tam hörmət etməlidir”, - Süleymanov tələb edib.

O, eyni zamanda Hüquq Məsələləri Komitəsinin xüsusi məruzəçisi Kristof Ştrasser tərəfindən hazırlanmış və 2013-cü ilin yanvar ayında böyük əksəriyyətlə - 125 səs əleyhinə və 79 səs lehinə olmaqla rədd edilmiş Azərbaycanda siyasi məhbuslara dair məruzəni qeyd edib. “Son əsassız korrupsiya iddialarında təkrar edilir ki, guya rüşvət sayəsində həmin səsverməyə təsir edilib”, - Süleymanov bildirib və əlavə edib ki, “bütün siyasi qrupların iclas protokollarındakı məlumatı nəzərdən keçirməyin mümkünlüyünü nəzərə alsaq, bu, tamamilə gülüncdür.”

“Bütün üzvlər bir-birinin siyasi mövqeyinə daha çox hörmət etməli, hər bir həmkarının sərbəst səsverməsinə hörmət etməli, öz mövqeyinin digərinkindən mənəvi cəhətdən daha üstün olduğunu iddia etməməlidir”, - Süleymanov bildirib. “Biz heç vaxt geriyə baxmamalıyıq. Səsvermənin nəticələrini və deputatların səsvermə mövqeyini sual altına qoymaq AŞPA-nın özünü sual altına qoymağa bərabərdir. Assambleyamız mütəşəkkil etimadsızlıq deyil, həqiqi əməkdaşlıq vasitəsilə daha da güclənəcəkdir.”

Süleymanov eyni zamanda lobbiçiliyə aydınlıq gətirməyə çağırıb, belə ki, bu, ya qadağan edilməli, ya da buna icazə verilməlidir; AŞPA ilə əlaqəli QHT-lərə maliyyə yardımına icazə verilməlidirmi; bu, həmin QHT-lərlə əməkdaşlıq edən deputatlara xələl gətirə bilərmi? “AŞPA-da ikili standartlara yol verilməməlidir”, - məktubda deyilib.

“Yanlış korrupsiya şayiələri yaymaq Assambleyanın qlobal etimadına güclü xələl gətirir və təcili surətdə yeni qaydalar qəbul edilməlidir”, - Süleymanov sonda qeyd edir.

Şərh Yaz