Almaniyadakı bu mərkəz Xameneidən göstəriş alıb – HesabatBölmə: Dünya
 Hamburq İslam Mərkəzinin rəhbəri Məhəmməd Hadi Müfətteh birbaşa İran lideri Əli Xameneidən göstəriş alıb. Xalqinfo.az xəbər verir ki, bu barədə Almaniyanın “Şpigel” nəşri Daxili İşlər Nazirliyinin 220 səhifəlik hesabatına istinadən məlumat yayıb. Bildirilir ki, əldə olunan sənədlərə əsasən fəaliyyətinə qadağa qoyulan mərkəzin Əli Xameneinin birbaşa göstərişi əsasında çalışdığı, eyni zamanda Hizbullah terror təşkilatı ilə sıx əlaqədə olduğu sübut edilib. Hamburq İslam Mərkəzinin rəhbəri İran rəhbərinin kommunikasiya və beynəlxalq əlaqələr idarəsinin müavini Mehdi Müstəfəvi ilə Vatsap vasitəsilə daim əlaqə saxlayıb. Bu iki şəxs 2021-ci ilin sonundan 2023-cü ilin sonuna kimi 650-dən çox mesaj mübadiləsi aparıb. Müstəfəvi bu söhbətlərdə Məhəmməd Hadi Müfəttehə 2023-cü ildə Hamburqdakı İslam Mərkəzinə gedən almanca danışanlara (ehtimal ki, İran tərəfindən şiəliyi qəbul etmiş almanlar) Xameneinin mesajlarını ehtiva edən ətraflı göstərişlər verib. Bu mesajların digər məzmunları arasında mərkəzin 2024-cü ildəki fəaliyyəti də diqqət mərkəzində olub. Müfətteh ilə Xameneinin ofisi arasında mesajlaşmalarda “antiisrail təbliğatı” üçün təlimatlar göndərilib. Məsələn, HƏMAS-ın 2023-cü il oktyabrın 7-də İsrailə hücumu və təxminən 1200 nəfərin ölümü ilə nəticələnən terror əməliyyatından bir neçə gün sonra Müfətteh İslam Respublikası liderinin ofisindən bu hadisəni necə şərh etmək barədə tövsiyələr alıb. Həmin tövsiyələrdə siyasi, ideoloji və hərbi istiqamətlərdə İsrailə qarşı uzunmüddətli mübarizə və müharibənin vacibliyi vurğulanıb. Almaniya Daxili İşlər Nazirliyinin sənədlərinə əsasən, Yəmən radikallarına göndərilən yardımların sənədlərində Əli Xameneinin imzası, şəxsi möhürünün yanında isə Hamburq İslam Mərkəzi rəhbərinin adı var. Sənədlərdən məlum olur ki, Hizbullah terror təşkilatının xarici əlaqələr şöbəsinin rəhbəri olan bir molla Almaniyaya səfərləri barədə hesabat hazırlayıb. Hesabata görə, o, rəsmi adı “Göy məscid” olan “İmam Əli”nin (Hamburq İslam Mərkəzi) iclaslarında iki il müddətinə davamlı olaraq iştirak edib. Livanlı molla 2016-cı ildə hazırladığı hesabatda maddi, mənəvi və məsləhət xarakterli yardımlara görə Hamburq İslam Mərkəzinə təşəkkür edib. Məhəmməd Hadi Müfətteh və Hamburq İslam Mərkəzinin başqa məsullarının telefonlarında həmin livanlı mollanın telefon nömrəsi tapılıb. Qeyd edək ki, Almaniya polisi iyulun 24-də Hamburq İslam Mərkəzində axtarış aparıb və mərkəzin fəaliyyətinə qadağa qoyulub. |
XƏBƏR LENTİ
11.05.25 05:54 | ABŞ təsdiqlədi: Ukraynaya 125 raket və 100 "Patriot"...
11.05.25 05:53 | Bu ölkədə şahmat qadağan edildi
11.05.25 05:49 | “Heydər Əliyevin qurduğu dövlət hədəflərə doğru inamla irəliləyir”
11.05.25 05:44 | Britaniya Ukraynaya “Raven” sistemlərini göndərir
11.05.25 05:42 | BMT rəsmisi Hindistan və Pakistan arasındakı atəşkəsi alqışladı
11.05.25 05:35 | Ağır qəzada ölən iki qardaşın - Fotosu
11.05.25 05:34 | 4 ölkənin lideri Kiyevdədir
11.05.25 05:31 | “Hesab etdim ki, məhz bu gün burada olmalıyam”
11.05.25 05:25 | Tofiq Yaqublu aclıq aksiyasını dayandırdı
10.05.25 14:55 | Heydər Əliyev siyasi irsinin təməl sütunları
04.05.25 15:34 | Deputat Azər Badamov Moskva aeroportunda saxlanıldı
20.04.25 07:21 | “Kursk vilayətinin 99,5 faizi azad edilib”
20.04.25 07:19 | Bu vitamin çatışmazlığı xəstəliyə səbəb olur
20.04.25 04:27 | Bu generala yüksək vəzifə verildi
20.04.25 04:16 | İcra başçısının qazi haqda şikayəti ilə bağlı qərar verildi
20.04.25 04:12 | Ağstafada toydan uşaq oğurlayan qazi saxlanıldı
20.04.25 04:06 | Putin “Pasxa atəşkəsi” elan etdi
20.04.25 04:02 | Şərurlu İsfəndiyarın oğlu həbs edildi
18.04.25 10:22 | Rusiya dünyada analoqu olmayan xərçəng dərmanı hazırladı
17.04.25 17:19 | “Səhhətlərində problem varsa, müalicə üçün şərait yaradılmalıdır”
17.04.25 17:17 | Prezident onları nazir müavini təyin etdi
17.04.25 17:06 | Orduxan Teymurxan Baş Prokurorluğa çağırıldı
|
|
