Tillerson çoxillik ənənəni pozdu - Ramazanla bağlı tədbir təklifini rədd etdiBölmə: Dünya
ABŞ-ın dövlət katibi Reks Tillerson müsəlmanların müqəddəs Ramazan ayı münasibəti ilə tədbirlərin keçirilməsi təklifini rədd edib. Bununla da Amerika diplomatiyasının başçısı çoxillik ənənəni pozub. Xalqinfo.az-ın Modern.az-a istinadən xəbərinə görə, bu haqda “Reuters” ABŞ Dövlət Departamentindəki mənbələrinə istinadən məlumat yayıb. Agentliyin məlumatına görə, 1999-cu ildən etibarən ABŞ xarici siyasət idarəsində Ramazan ayı münasibəti ilə tədbirlər keçirilib. Bu ənənəni ABŞ-ın keçmiş dövlət katibi Madlen Olbryat başladıb. Onun qoyduğu bu ənənə isə sonralar da davam etdirilib. İstər respublikaçıların, istərsə də demokratların hakimiyyətləri zamanlarında. Lakin ABŞ-ın dövlət katibi Reks Tillerson ilk dəfədir ki, bu qaydanı pozub. “Reuters” yazıb ki, aprelin əvvəllərində Dövlət Departamentinin müvafiq bölməsi Reks Tillersondan orucluq ayının başlaması münasibəti ilə tədbirlərin keçirilməsi üçün razılıq istəyib. Lakin, Reks Tillerson bu təklifi rədd edib. Amerikadakı müsəlman icmalarının nümayəndələri də bildiriblər ki, onlara Ramazanın başlaması münasibəti ilə hər hansı tədbirdə iştirak etmək barədə təklif gəlməyib. Bununla belə Dövlət Departamentinin rəsmi saytında Tillersonun adından müsəlmanlara təbrik ünvanlanıb və onlara xoş arzular çatdırılıb. Qeyd edək ki, may ayının 27-dən Ramazan ayı başlayıb. |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|