» » Mübariz Qurbanlı: "Azad olunan ərazilərdə məscidlər bərpa olunur"

Mübariz Qurbanlı: "Azad olunan ərazilərdə məscidlər bərpa olunur"

Bölmə: Din
Mübariz Qurbanlı: "Azad olunan ərazilərdə məscidlər bərpa olunur"
Dini Qurumlarla İş üzrə Dövlət Komitəsinin sədri Mübariz Qurbanlı işğaldan azad olunan ərazilərdə dini ibadət yerləri ilə bağlı görülən işlərdən danışıb.

"Report" xəbər verir ki, Mübariz Qurbanlı jurnalistlərə açıqlamasında orada məscidlərin, kilsələrin eləcə də Qafqaz Albaniyasına aid məbədlərin olduğunu xatırladıb.

Sədr bildirib ki, hazırda onların bərpası istiqamətində ciddi tədbirlər həyata keçirilir:"İşğaldan azad edilən ərazilərdə 67 məsciddən cəmi biri qalıb. Hansı ki, onu da erməniləşdirməyə çalışıblar. Digər məscidlər yarıdağıdılmış vəziyyətdə olub, qalanları isə ümumiyyətlə məhv edilib. Həmin ərazilərdə olan provaslav kilsələri də ya dağıdılıb, ya da erməniləşdirilməyə çalışılıb. Həmin ərazilərdə islama aid olan dini abidələr içərisində məscidlərin bərpası istiqamətində işlərə də artıq başlanılıb".

M.Qurbanlı vurğulayıb ki, Qafqaz Albaniyasına aid olan dini məbədlərə Alban Dini İcmasının səfərləri təşkil edilir: "Həmin kilsələrin də bərpası istiqamətində addımlar atılır. Bu işlər müvafiq dövlət qurumları tərəfindən həyata keçirilir. Ümid edirəm ki, bu işlər də işğaldan azad edilən ərazilərdə aparılan abadlıq-quruculuq işləri çərçivəsində yaxın zamanda tam şəkildə həll ediləcək”.

Şərh Yaz

Ad:*
Şərh:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler