İTV- rəhbəri Cəmil Quliyevdən deputata cavab-Bu kürsüdə oturmasaydım...Bölmə: BLOK XƏBƏR, MANŞET
 Deputat Etibar Hüseynovun Feysbuk səhifəsində İctimai Televiziyanın hava proqnozu buraxılışı ilə bağlı tənqidi fikirlərinə televiziya rəhbərliyi cavab verib. musavat.com Ucnoqta.az-a istinadən xəbər verir ki, İTV-nin baş direktoru Cəmil Quliyev məsələ ilə bağlı münasibət bildirib. "Mən İctimai Televiziyanın rəhbəriyəm. Mənim danışığım İctimai televiziyanın mövqeyidir. Hər hansı bir millət vəkili öz fikirlərini və iradlarını bildirə bilər. Biz iradlara açığıq, amma iradlar da real olmalıdır. Mən Etibar Hüseynovun telekanalımızın hava buraxılışı ilə bağlı dediklərini qəbul etmirəm. Bu necə real olmaya bilər ki, həmin məlumat Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosuna və digər mənbələrə istinadən veririlir. Ona görə, televiziyanı tənqid edən millət vəkili iradlarını bildirərkən fikirləşməlidir. Qaldı ki, Etibar Hüseynovun ictimai nüfuzuna, mən əgər bu kürsüdə oturmasaydım, o zaman onun nüfuzu haqda fikir bildirərdim. Bir daha deyirəm, mənim mövqeyim İctimai Televiziyanın mövqeyidir, İctimai Televiziya isə qərəzli mövqe bildirə bilməz”. Qeyd edək ki, deputat Etibar Hüseynov öz Feysbuk səhifəsində İTV-ni beynəlxalq hava məlumatlarının təqdimi zamanı köhnə və yanlış məlumatları çatdırmaqda ittiham etmişdi. |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
|
