102-ci bazanın qoşunları hərəkətə keçdi, dağlara doğru irəliləyir Cənub Hərbi Dairəsinin qoşunlarının qəfil döyüş hazırlığı yoxlaması çərçivəsində Rusiyanın Ermənistandakı 102-ci hərbi bazasının qüvvələri yüksək dağlıq ərazilərdə yerləşən “Alagöz” və “Kamhud” poliqonlarına doğru hərəkətə keçib. Bölmələr poliqonlara qədər 100 kilometrə qədər məsafə qət etməlidir. Xalqinfo.az Virtualaz.org-a istinadən xəbər verir ki, bu haqda Cənub Hərbi Dairəsinin mətbuat xidməti bildirir.  Hərbi manevrlər Ermənistan prezidenti Serj Sərkisyanın Moskvaya sabah başlayacaq ikigünlük səfərindən bir gün əvvələ təsadüf edir. Kreml bildirir ki, prezident Vladimir Putin Serj Sərkisyanla ikitərəfli münasibətlərə dair məsələlərlə yanaşı Dağlıq Qarabağ münaqişəsinin nizamlanmasını yollarını da müzakirə edəcək. Rusiya ordusunun Ermənistanda təlimlərə başlamaq üçün Sərkisyanın Moskvaya səfəri ərəfəsini seçməsinin təsadüf olub-olmadığını demək çətindir. Cənub Hərbi Dairəsi bildirir ki, 102-ci bazanın qüvvələrinin dağlıq ərazilərə doğru hərəkətini havadan pilotsuz kəşfiyyat aparatları, o cümlədən “müasir kəşfiyyat kompleksinin bütün nümunələri” müşahidə edir. Qoşunların hərəkəti zamanı Ermənistanın hava məkanının qorunmasını Buk-M1-2, S-300B zenit-raket sistemləri, İrəvandakı “Erebuni” aviabazasının qırıcıları təmin edəcək.  Bildirilir ki, Ermənistan ərazisində Rusiya qoşunlarının təlimləri bir həftə davam edəcək, təlimlər iki mərhələdən ibarət olacaq. Birinci mərhələdə şərti hədəflərə mərmilərdən atəş açılacaq. İkinci mərhələ isə dəniz səviyyəsindən 1500-2000 metr yüksəklikdə yerləşən “Alagöz” poliqonunda keçiriləcək. Burada aviasiyanın, o cümlədən vertolyotların dəstəyi ilə bütün silah növlərindən döyüş atışları həyata keçriləcək, şərti düşmənin əsas hədəfləri müəyyən edilərək əks hücum başladılacaq, Ermənistan ərazisinə müdaxilə etmiş şərti düşmənin zirehli texnikası, digər mühüm hədəfləri vurulacaq. |
XƏBƏR LENTİ
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|
|
