"Ermənilərə layiqli cavab verilir"

Bölmə: BLOK XƏBƏR, MANŞET

24 iyun 2014 13:23 Baxış: 680 Şərh: 0 Çap

"Düşmən hər an hiss etməlidir ki, siz hər zaman onlardan üstünsünüz". Bunu müdafiə naziri, general-polkovnik Zakir Həsənov Heydər Əliyev adına Azərbaycan Ali Hərbi Məktəbində xüsusi təyinatlı təhsil müəssisələrinin kursantlarının buraxılış mərasimində çıxışında deyib.
Mərasim AAHM-in döyüş bayrağının sıra meydanına gətirilməsi və Azərbaycanın dövlət himninin oxunuşu ilə başlayıb.

Nazir bildirib ki, Ermənistan-Azərbaycan, Dağlıq Qarabağ münaqişəsinin həlli Silahlı Qüvvələrimizin hansı vəziyyətdə olmasından asılıdır. "Bunun üçün gənc zabitlər kimi Silahlı Qüvvələr sıralarına daxil olmaqla yeni nəfəs və döyüş ruhu gətirməlisiniz".

Z.Həsənov Azərbaycanda ikinci erməni dövlətinin yaradıla bilməyəcəyini deyib. Onun sözlərinə görə, prezidentin bu bəyanatı Silahlı Qüvvələrin devizidir. "Atəşkəs rejimi haqqında sənədin imzalanmasına baxmayaraq, hər gün cəbhədə atəş səsləri eşidilir. Ermənistan Respublikasının kəşfiyyat-təxribat qüvvələri mövqelərimizə hücuma cəhd edirlər. Lakin onlar Azərbaycan Ordusu tərəfindən layiqli cavablarını alır. İtki verərək geri çəkilirlər".

Nazir bildirib ki, ümummilli lider Heydər Əliyevin ikinci dəfə hakimiyyətə qayıtması ordu quruculuğu və hərbi təhsil müəssisələrinin yenidən başlanğıcı olub. Heydər Əliyev Azərbaycanda müasir hərbi təhsil sisteminin banisidir.
ANS PRESS

Şərh Yaz