MTN-in maşını Ramil Usubovun qabağını kəsdiBölmə: BLOK XƏBƏR
Bu gün səhər saat 08.07 radələrində paytaxtda qəribə yol hərəkəti pozuntusu baş verib. "Qafqazinfo" Avtosfer.az-a istinadən xəbər verir ki, teleteatr binasının yaxınlığında daxili işlər naziri Ramil Usubovun olduğu avtomobilin qarşısını 10 AS 999 dövlət nömrə nişanlı avtomobil kəsib. Daxili işlər naziri Ramil Usubovun olduğu 10 AA 010 dövlət nömrə nişanlı avtomobil və onu müşaiyət edən «Lexus» markalı maşın karvanının qarşısında DYP maşını da olub. DYP maşını səs siqnalından istifadə edərək yolun əks istiqaməti ilə nazirin kortejini müşaiyət edərkən gözlənilməz olay baş verib. Şəhidlər xiyabanı istiqamətində hərəkət edən 10 AS 999 dövlət nömrə nişanlı, «Hundai Sonata» markalı avtomobil qəflətən sola dönərək Teymur Elçin küçəsi istiqamətində, yəni üzü Gülüstan sarayına tərəf hərəkət etməyə çalışıb. Çox maraqlıdır ki, bu zaman Teleteatrın qarşısında başqa bir DYP maşını və iki nəfər yol polisi əməkdaşı olub. Yol polislərini saya salmadan, üstəlik, sağ tərəfdən, yəni, Şəhidlər xiyabını tərəfdən sayrışan işıqlarla və xüsusi səs siqnalları ilə hərəkət edən kortejin yaxınlaşmasına heç bir əhəmiyyət verməyən «Hundai»ın sürücüsü qəza şəraiti yaradaraq nazirin kortejinin qarşısına çıxıb. Yol polisi əməkdaşları həmin avtomobilin qarşısını kəsdikdən sonra kortej hərəkəti davam etdirib. Yol polisləri isə 10 AS 999 dövlət nömrə nişanlı avtomobilin sürücüsünü dərhal saxlayaraq inzibati protokol tərtib ediblər. Avtosfer.az saytının apardığı araşdırmalar zamanı məlum olub ki, daxili işlər nazirinin yolunu kəsən 10 AS 999 dövlət nömrə nişanlı «Hundai» Milli Təhlükəsizlik Nazirliyinə məxsusdur. |
XƏBƏR LENTİ
23.04.24 10:06 | General Mirzəyev və 40 məmura sanksiya təklif edilir - Siyahı
20.04.24 05:25 | İlham Əliyev 4 kəndi də qaytardı
09.04.24 11:43 | Rusiya xəritəsinə bu şəhərlər də daxil ediləcək
09.04.24 11:41 | Şəhid anası vəfat etdi
09.04.24 11:38 | Prezident Hacıqabulda olub
|